Deuteronomio 10:12 - Marahay na Bareta Biblia

¹² “Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 10:12 ပူးပေါင်းရင်းမြစ်များ

1 Mga Hade 3:3

Namotan ni Solomon an Kagurangnan asin nagkuyog siya sa mga togon kan saiyang ama na si David, alagad nagdolot man siya nin mga sakripisyo asin nagtutong nin insenso sa manlaen-laen na altar.

2 Mga Hade 10:31

Alagad bakong bilog sa puso an pagkuyog ni Jehu sa Kagurangnan, an Dios nin Israel; inarog niya an mga gibong maraot ni Jeroboam na nagpakasala sa Israel.

2 Mga Hade 18:3

Ginibo niya an matanos sa atubangan nin Kagurangnan, arog kan ginibo ni David na saiyang ginikanan.

2 Mga Hade 18:6

Nagin maimbod siya sa Kagurangnan asin dai nagsuhay saiya. Kinuyog niya an mga pagboot na itinao nin Kagurangnan ki Moises.

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 15:12

Naggibo sinda nin tipan, saen nanumpa sinda na sasambahon an Kagurangnan, an Dios kan saindang mga ginikanan, sa bilog nindang puso asin kalag.

An Libro ni Job 36:11

Kun magkuyog sinda asin maglingkod saiya, sa kauswagan matatapos an saindang mga aldaw, asin an saindang mga taon sa karahayan.

Salmo 119:2

Paladan an mga tawong nag-ootob kan saiyang mga kabotan, na nagkukuyog sa saiya sa bilog nindang puso.

Salmo 128:1

Paladan an tawong may pagkatakot sa Kagurangnan; na naglalakaw sa saiyang mga dalan.

Salmo 145:20

Sinusurog nin Kagurangnan an gabos na namomoot saiya; alagad gagadanon niya an gabos na tampalasan.

Salmo 18:1

Namomotan taka, O Kagurangnan, sakong kosog!

Salmo 34:9

Matakot kamo sa Kagurangnan, kamo gabos na banal, huli ta an mga natatakot saiya igwa kan gabos nindang kaipuhan.

Salmo 81:13

Kun magdangog kuta sako an sakong banwaan; kun magsunod kuta an Israel sa sakong mga dalan!

Salmo 81:14

Dadaogon ko tolos an saindang mga kaiwal, asin sasakopon an saindang mga kalaban.

Exodo 23:25

Kun ako, an Kagurangnan na saindong Dios, iyo sana an saindong sasambahon, bebendisyonan ko an saindong pagkakan asin inomon; dangan hahaleon ko saindo an gabos na helang.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Ezekiel 11:20

Dangan maglalakaw sinda sosog sa sakong mga pagboot asin kukuyogon ninda an sakong mga togon. Sinda an magigin banwaan ko asin ako an magigin Dios ninda.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Mateo 22:37

Nagsimbag si Jesus, “‘Kamotan mo an Kagurangnan mong Dios sa bilog mong puso, sa bilog mong kalag, asin sa bilog mong isip.’

Lukas 10:27

Nagsimbag an lalaki, “Kamotan mo an Kagurangnan mong Dios sa bilog mong puso, sa bilog mong kalag, sa bilog mong kosog, asin sa bilog mong isip; kamotan mo man an saimong kapwa siring kan pagkamoot mo sa sadiri mo.”

Lukas 11:42

“Herak man saindo, mga Fariseo! Nagtatao kamo nin himoloan para sa Dios maski kan mga tinanom na panrekado, siring kan pamyenta, anis patin iba pa, alagad pinapabayaan nindo an katanosan asin an pagkamoot nin Dios. Ini an dapat nindong gibohon, alagad dai man pagpabayaan an iba.

Mga Gibo 9:31

Kaya an simbahan sa bilog na Judea, sa Galilea asin sa Samaria nagkaigwa nin katoninongan dangan nagkosog. Namuhay an simbahan sa pagkatakot sa Kagurangnan; asin sa tabang kan Espiritu Santo, nagdagdag an saindang bilang.

Roma 1:9

Saksi ko an Dios na danay ko kamong iniiba sa pamibi ko—an Dios na pinaglilingkodan ko nin tudok sa puso sa paagi kan paghulit kan Marahay na Bareta dapit sa saiyang Aki.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

Deuteronomio 10:11

Dangan tinaraman niya ako na pangenotan kamo tanganing masadirihan nindo an daga na ipinanuga niyang itatao sa saindong mga ginikanan.

Deuteronomio 10:13

patin kuyogon nindo an saiyang mga togon saka mga pagboot. Itinatao ko ini saindo ngunyan para sa ikakarahay nindo.

Deuteronomio 11:1

“Kamotan nindo an Kagurangnan na saindong Dios, asin danay na kuyogon nindo an saiyang mga togon saka mga pagboot.

Deuteronomio 11:13

“Kaya kuyogon nanggad nindo an gabos na togon na itinao ko saindo ngunyan; kamotan nindo an Kagurangnan na saindong Dios asin paglingkodan nindo siya sa bilog nindong puso.

Deuteronomio 26:16

“Ngunyan na aldaw pinagbobotan kamo nin Kagurangnan, na saindong Dios, na kuyogon nindo an gabos niyang togon saka pagboot; kaya kuyogon nindo ini gabos sa bilog nindong puso.

Deuteronomio 27:10

kaya kuyogon nindo siya asin otobon an gabos niyang togon saka pagboot na itinatao ko saindo ngunyan.”

Deuteronomio 30:16

Kun kuyogon nindo an mga togon nin Kagurangnan na saindong Dios, na itinatao ko saindo ngunyan na aldaw, kun kamotan nindo siya, kuyogon siya, asin otobon an gabos niyang togon, dangan mag-uuswag kamo asin magigin sarong dakulang nasyon. Bebendisyonan niya kamo sa daga na saindong lalaogon asin sasadirihon.

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 4:29

Hihidawon nindo duman an Kagurangnan na saindong Dios, asin kun hahanapon nindo siya sa bilog nindong puso, makukua nindo siya.

Deuteronomio 5:29

Padagos logod sindang matakot sako asin mag-otob kan sakuyang mga togon tanganing mapakarahay sinda asin an saindang kapagarakian sagkod pa man!

Deuteronomio 5:33

Kuyogon nindo gabos an mga iyan tanganing mabuhay asin mapakarahay kamo patin maghalawig an saindong buhay duman sa daga na masasadirihan nindo.

Deuteronomio 6:13

Matakot kamo sa Kagurangnan na saindong Dios; maglingkod kamo saiya asin magsumpa kamo sa saiya sanang ngaran.

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

Deuteronomio 6:24

Dangan pinagbootan kami nin Kagurangnan na satuyang Dios na kuyogon an mga togon na ini asin na matakot kami saiya. Kun gibohon mi ini, aatamanon niya asin papauswagon an satuyang nasyon.

Deuteronomio 6:5

Kamotan nindo an Kagurangnan na saindong Dios sa bilog nindong puso, sa bilog nindong kalag, asin sa bilog nindong kosog.

1 Timoteo 1:5

An katuyohan kan pagsugong ini iyo na pukawon an pagkamoot na minagikan sa malinig na puso asin konsyensya saka sa tunay na pagtubod.

Hebreyo 12:28

Kaya magpasalamat kita, huli ta inako ta an kahadean na dai pwedeng mayugyog. Omawon asin sambahon ta an Dios sa paaging ikinakaogma niya, may kabanalan saka paggalang,

Josue 22:5

Kuyogon nanggad nindo an togon na itinao saindo ni Moises: kamotan nindo an Kagurangnan na saindong Dios, gibohon an saiyang kabotan, kuyogon an saiyang mga pagboot, magmaimbod saiya, asin paglingkodan siya sa bilog nindong puso saka kalag.”

Josue 24:14

“Kaya ngunyan matakot kamo sa Kagurangnan,” an olay ni Josue. “Tunay asin maimbod nindo siyang paglingkodan. Halea nindo an mga dios-dios na dating sinasamba kan saindong mga ginikanan sa Mesopotamia saka sa Egipto; an Kagurangnan sana an saindong paglingkodan.

1 Juan 2:15

Dai kamo mamoot sa kinaban o sa anoman na yaon sa kinaban. An namomoot sa kinaban, dai namomoot sa Ama.

1 Juan 5:5

Siisay an nakakadaog kan kinaban? An tawo sana na nagtutubod na si Jesus iyo an Aki nin Dios.

1 Samuel 12:20

Nagsimbag si Samuel, “Dai kamo matakot; maski nakaginibo kamo kaining dakulang karatan dai sana kamo magtalikod sa Kagurangnan, kundi paglingkodan nindo siya sa bilog nindong puso.