Deuteronomio 1:8 - Marahay na Bareta Biblia

⁸ Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 1:8 ပူးပေါင်းရင်းမြစ်များ

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 15:16

Apat na henerasyon pa an maagi bago makabalik digdi an saimong kapagarakian huli ta dai ko papahaleon an mga Amoreo sagkod na dai pa nagsobra an saindang karatan kaya kaipuhan nang padusahan sinda.”

Genesis 15:18

Sa oras na idto nakipagtipan an Kagurangnan ki Abram asin nagtaram, “Nanunuga ako na itatao ko sa saimong mga kapagarakian an bilog na dagang ini, magpoon sa Egipto sagkod sa Salog nin Eufrates,

Nehemias 9:15

“Kan sinda nagutom, tinawan mo sinda nin tinapay hale sa langit, asin nin tubig hale sa sarong gapo kan sinda napaha. Sinabihan mo sinda na sakopon an daga na pinanuga mong itatao sainda.

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Exodo 33:1

Tinaraman nin Kagurangnan si Moises, “Maghale na kamo sa lugar na ini, ika asin an mga tawong ilinuwas mo sa Egipto; magduman kamo sa dagang ipinanuga ko ki Abraham, ki Isaac, ki Jacob sagkod sa saindang mga kapagarakian.

Jeremias 32:22

Itinao mo sainda an mayaman saka matubang na dagang ini, siring kan ipinanuga mo sa saindang mga ginikanan.

Ezekiel 47:14

Nanuga ako sa saindong mga ginikanan na tatawan ko sinda kan daga na ini, dangan ini an saindong magigin pamana; kaya kaipuhan parareho an pagkabanga nindo kaiyan.

Mga Bilang 14:23

Dai nanggad sinda makakalaog sa dagang ipinanuga ko sa saindang mga ginikanan. Mayo nin siisay sa mga nagsikwal sako na makakalaog duman.

Mga Bilang 32:11

‘Huli ta dai sinda nagin maimbod sako, mayo nin siisay man sa mga lalaking naghale sa Egipto na an edad beynte paitaas an makakalaog sa dagang ipinanuga ko ki Abraham, ki Isaac, asin ki Jacob.’

Deuteronomio 1:11

Padakulon pa logod kamo nin sangribong beses nin Kagurangnan, an Dios kan saindong mga ginikanan, asin bendisyonan kamo siring sa saiyang panuga!

Deuteronomio 1:35

‘Mayo nin siisay man sa maraot na kapagarakian na ini an makakaabot sa matubang na dagang ipinanuga ko na itatao sa saindong mga ginikanan.

Deuteronomio 10:11

Dangan tinaraman niya ako na pangenotan kamo tanganing masadirihan nindo an daga na ipinanuga niyang itatao sa saindong mga ginikanan.

Deuteronomio 11:24

Mapapasaindo an gabos na daga na mababatayan nindo. An pagsadiri nindo mapoon sa desyerto sa parteng habagat sagkod sa kabukidan nin Lebanon sa parteng amihan; mapoon sa Salog nin Eufrates sa parteng sirangan sagkod sa Dagat nin Mediteraneo sa parteng solnopan.

Deuteronomio 11:9

tanganing maghalawig an saindong buhay duman sa dagang mayaman sa gabos na bagay, daga na ipinanuga nin Kagurangnan na itatao sa saindong mga ginikanan asin sa saindang mga kapagarakian.

Deuteronomio 2:29

sagkod na makabalyo kami sa Salog nin Jordan asin makaabot sa daga na itinatao samo nin Kagurangnan na samong Dios. Tinugotan kaming mag-agi sa Edom kan kapagarakian ni Esau, asin sa Ar kan mga Moabita.’

Deuteronomio 26:15

Hale sa langit na saimong pinag-eerokan, dungawon mo asin bendisyonan an Israel na saimong banwaan saka an dagang ini na mayaman sa gabos na bagay, daga na itinao mo samuya siring sa ipinanuga mo sa samong mga ginikanan.’

Deuteronomio 26:3

Magduman kamo sa padi na naglilingkod sa panahon na iyan, asin sabihan nindo siyang, ‘Ipinapahayag nyamo sa Kagurangnan na samong Dios na yaon na kami digdi sa dagang ipinanuga niya sa samong mga ginikanan na itatao samo.’

Deuteronomio 28:11

Papauswagon niya kamo sa daga na ipinanuga niya sa saindong mga ginikanan na itatao saindo. Papadakulon niya an saindong mga aki, mga hayop asin an mga bunga kan daga.

Deuteronomio 29:12

Uya kamo gabos ngunyan tanganing makipagtipan sa Kagurangnan na saindong Dios, asin mag-ako kan saindong katongdan

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

Deuteronomio 31:7

Dangan inapod ni Moises si Josue asin sinabihan sa atubang kan bilog na banwaan nin Israel, “Magmaisog ka saka pakosoga an saimong boot; ika an mangengenot sa mga tawong ini sa pagsakop kan daga na ipinanuga nin Kagurangnan sa saindang mga ginikanan.

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”

Deuteronomio 4:1

Dangan sinabihan ni Moises an mga tawo, “Kuyogon nindo an gabos na togon asin pagboot na itinutukdo ko, tanganing mabuhay kamo asin masadirihan nindo an daga na itinatao saindo nin Kagurangnan, an Dios kan saindong mga ginikanan.

Deuteronomio 6:10

“Siring sa ipinanuga nin Kagurangnan na saindong Dios sa saindong mga ginikanan, ki Abraham, ki Isaac sagkod ki Jacob, tatawan niya kamo nin daga na igwa nin mga darakula asin magagayon na mga syudad na bakong kamo an nagtugdok,

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.

Deuteronomio 7:13

Mamomotan niya kamo asin bebendisyonan, tanganing magdakul an saindong kaakian; bebendisyonan niya an saindong kaomahan, tanganing magkaigwa kamo nin ani, arak saka lana nin oliba; papadakulon niya an saindong mga baka sagkod mga karnero. Iwawaras niya saindo an mga bendisyon na ini duman sa dagang ipinanuga niya sa saindong mga ginikanan na itatao sa saindo.

Deuteronomio 7:8

Alagad namotan kamo nin Kagurangnan asin boot niyang otobon an panuga niya sa saindong mga ginikanan. Ini an dahelan kun tano ta huli kan saiyang mapangyaring kamot, ilinigtas niya kamo asin binalukat sa kaoripnan sa kamot kan hade nin Egipto.

Deuteronomio 8:1

“Maimbod na kuyogon nindo an gabos na togon na itinao ko saindo ngunyan tanganing mabuhay asin magdakul kamo, patin masadirihan nindo an dagang ipinanuga nin Kagurangnan sa saindong mga ginikanan.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

Hebreyo 6:13

Kan manuga an Dios ki Abraham, nagsumpa siya sa sadiri niyang ngaran huli ta mayo nin mas mapangyari pa ki sa saiya na pwede niyang masumpaan.

Hebreyo 6:14

Nagsabi siya, “Nanunuga ako saimo na bebendisyonan taka asin papadakulon ko an kapagarakian mo.”

Josue 1:6

Magmaisog ka asin pakosoga an saimong boot, huli ta ika an mangengenot kaining mga tawo sa pagsakop ninda sa dagang ipinanuga ko sa saindang mga ginikanan.

Hukom 2:1

Hale sa Gilgal, an anghel nin Kagurangnan nagduman sa Bokhim asin nagsabi sa mga Israelita, “Ilinuwas ko kamo hale sa Egipto asin dinara sa dagang ipinanuga ko sa saindong mga ginikanan. Nagtaram ako kaidto: ‘Dai ko tatalikodan an sakong tipan sa saindo.