Deuteronomio 1:43 - Marahay na Bareta Biblia

⁴³ Pinatanidan ko kamo alagad habo kamong magdangog. Sinuhay nindo an pagboot nin Kagurangnan, asin sa saindong kapaabaw-abawan nagtukad kamo sa mabulod na daga.

Deuteronomio 1:43 ပူးပေါင်းရင်းမြစ်များ

Isaias 63:10

alagad nagrebelde sinda tumang saiya asin pinamondo ninda an saiyang espiritu. Kaya nagin kaiwal ninda an Kagurangnan asin linabanan niya sinda.

Mga Bilang 14:40

Pagkaaga, naglakaw sinda pasiring sa mabulod na daga tanganing salakayon idto. Nagsabi sinda, “Andam na kami ngunyan na magduman sa lugar na itinaram nin Kagurangnan. Inaako mi na kami nagkasala.”

Mga Bilang 14:44

Alagad nagdagos sinda sa mabulod na daga maski dai ninda dara an Kaban nin Tipan asin dai nag-iba sainda si Moises.

Mga Bilang 15:30

Alagad gagadanon an tawong tuyong nagkasala, Israelita man o dayuhan, huli ta dai niya ginalangan an Kagurangnan.

Mga Gibo 7:51

“Matagas nanggad an saindong mga payo! Harayo sa Dios an saindong puso! Talagang bongog kamo sa mga tataramon nin Dios! Parareho sana kamo kan saindong mga ginikanan; kamo man danay na minatumang sa Espiritu Santo!

Deuteronomio 1:26

“Alagad sinuhay nindo an pagboot nin Kagurangnan na saindong Dios, asin habo kamong maglaog sa daga.

Deuteronomio 17:12

Gagadanon an siisay man na mangahas na maglapas kan pagboot kan hukom o kan padi na naglilingkod sa atubang nin Kagurangnan. Sa siring na paagi, mahahale an karatan na iyan sa Israel.