Deuteronomio 1:37 - Marahay na Bareta Biblia

³⁷ Huli saindo, naanggot man sako an Kagurangnan asin nagtaram, ‘Maski ika, Moises, dai makakaabot duman.

Deuteronomio 1:37 ပူးပေါင်းရင်းမြစ်များ

Mga Bilang 20:12

Alagad tinuyaw nin Kagurangnan si Moises saka si Aaron, “Huli sa kakulangan kan saindong pagtubod na ipamidbid sa mga tawo an sakong banal na kapangyarihan, bako kamo an mangengenot sainda pasiring sa dagang ipinanuga kong itatao sainda.”

Mga Bilang 27:18

Nagtaram an Kagurangnan ki Moises, “Kuaha si Josue na aking lalaki ni Nun, sarong lalaki na igwa kan espiritu, asin iduta mo an saimong mga kamot sa saiyang payo.

Deuteronomio 3:27

Magduman ka sa alitoktok kan Bukid nin Pisga asin mangalagkalag ka sa amihan, sa habagat, sa sirangan, asin sa solnopan. Maanan mo nin marahay an saimong mahihiling huli ta dai ka nanggad makakabalyo sa Jordan.

Deuteronomio 3:28

Itukdo mo ki Josue an gigibohon niya asin pakosogon mo an saiyang boot, huli ta siya an mangengenot sa mga tawo sa pagsakop kan daga na saimong mahihiling.’

Deuteronomio 31:2

Nagsabi siya, “Syento beynteng taon na an sakuyang edad asin dai ko na kaya an magin lider nindo. Laen pa kaiyan, nagtaram sako an Kagurangnan na dai ako magbalyo sa Jordan.

Deuteronomio 32:52

Matatanaw mo an daga sa harayo, alagad dai ka makakalaog sa dagang itatao ko sa banwaan nin Israel.”

Deuteronomio 34:4

Dangan nagtaram an Kagurangnan ki Moises, “Iyo iyan an daga na sakong ipinanuga ki Abraham, ki Isaac asin ki Jacob na itatao sa saindang mga kapagarakian. Ipinapahiling ko iyan saimo, alagad dai taka tutugotan na makaabot duman.”

Deuteronomio 4:21

Huli saindo, naanggot sako an Kagurangnan na saindong Dios, asin nagsumpa na dai ako makakabalyo sa Salog nin Jordan asin dai ako makakalaog sa marahay na daga na itinatao saindo nin Kagurangnan bilang pamana.

Deuteronomio 4:22

Dai ako makakabalyo sa Jordan, huli ta digdi ako magagadan sa dagang ini. Alagad makakabalyo kamo asin masasadirihan nindo an marahay na daga.