Deuteronomio 1:28 - Marahay na Bareta Biblia

²⁸ Tano na magduman kita? Tinakot kita kan satuyang mga sinugo na nagsasabing darakula saka haralangkaw ki sa sato an mga tawo duman, asin nag-eerok sinda sa mga syudad na an kudal abot sa langit. Nakahiling sinda nin mga higante duman!’

Deuteronomio 1:28 ပူးပေါင်းရင်းမြစ်များ

Genesis 11:4

Dangan nagsabi sinda, “Gumibo kita nin sarong syudad, na igwa nin tore na abot sa langit, tanganing mabantog kita asin dai magkasiriblag sa bilog na kinaban.”

Exodo 15:15

Mga lider nin Edom napano nin katakotan; makokosog na lalaki sa Moab pinagtarakigan; nawaraan nin isog gabos na taga Canaan.

Isaias 13:7

Kaya panruruluyahon an gabos na kamot asin mawawaraan nin kosog nin boot an gabos na tawo.

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Deuteronomio 1:29

“Alagad sinabihan ko kamo, ‘Dai kamo matakot sainda.

Deuteronomio 2:10

An nag-erok sa Ar kaidto iyo an mga Emim. Dakul sinda nin marahay asin darakula arog sa mga Anakim, na saro man na rasa nin mga higante.

Deuteronomio 20:20

Pwede nindong palodon an mga kahoy na dai kinakakan an bunga tanganing magamit nindo sa pagsalakay kan syudad, sagkod na masakop nindo iyan.

Deuteronomio 20:8

“Masabi pa sa hukbo an mga opisyal, ‘Igwa digdi sa saindong takot asin maluya an boot? Kun igwa, magpuli na siya; tibaad mapaluya pa niya an boot kan iba.’

Deuteronomio 7:17

“Dai kamo mag-isip na mas dakul ki sa saindo an mga banwaan na iyan kaya dai nindo sinda mapapahale.

Josue 11:22

Mayo nin natada sa mga Anakim sa daga nin Israel; alagad sa Gaza, Gat asin Asdod, igwa nin natadang nagkapira.

Josue 14:8

Tinakot an mga tawo kan mga kairiba ko, alagad maimbod na kinuyog ko an Kagurangnan na sakong Dios.

Josue 15:14

Pinahale ni Caleb sa syudad an tolong aking lalaki ni Anak: si Sesai, Ahiman, asin Talmai.

Josue 2:11

Pagkadangog mi kaini, nagkatarakot kami; nawaraan kami nin isog huli saindo. An Kagurangnan na saindong Dios, iyo an Dios sa langit asin sa daga.

Josue 2:24

dangan nagsabi, “Daing duwa-duwa na itinao na sato nin Kagurangnan an bilog na daga. Tarakot sato an gabos na tawo duman.”

Josue 2:9

asin nagsabi sainda, “Naaaraman ko na itinao saindo nin Kagurangnan an dagang ini. Natatakot saindo an gabos na nag-eerok digdi.

Hukom 1:10

Linabanan ninda an mga Cananeo na nag-erok sa syudad nin Hebron na dating inaapod Kiriat-arba. Dinaog ninda duman an mga kamaganakan ni Sesai, Ahiman, asin Talmai.

Hukom 1:20

Itinao ki Caleb an Hebron sosog sa pagboot ni Moises, huli ta napahale niya sa syudad an tolong aking lalaki ni Anak.