Deuteronomio 1:17 - Marahay na Bareta Biblia

¹⁷ Dai kamo magpaorog sa kiisay man; hukoman nindo nin matanos an gabos, maski siisay siya. Dai kamo matakot sa kiisay man, huli ta hale sa Dios an paghukom na itatao nindo. Kun an kaso dipisil para saindo, darahon nindo sako, asin ako an madesisyon kaiyan.’

Deuteronomio 1:17 ပူးပေါင်းရင်းမြစ်များ

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

2 Samuel 14:14

Gabos kita magagadan; arog kita sa tubig na naula sa daga, na dai na pwedeng tiponon giraray. Maski an Dios dai na minabuhay kan nagadan, alagad pwedeng maghanap an hade nin paagi tanganing ikabalik an sarong mayo sa saiyang kaibahan.

2 Mga Cronica 19:5

Nagbugtak siya nin mga hukom sa lambang pinapusog na syudad nin Juda.

2 Mga Cronica 19:6

Sinabihan niya an mga hukom, “Horophoropa nindo an saindong ginigibo, huli ta naghuhukom kamo bakong para sa tawo kundi para sa Kagurangnan; kaiba nindo siya sa saindong paghukom.

An Libro ni Job 31:34

Dai ako natakot sa anoman na sasabihon kan mga tawo; dai ako nag-alo, ni nag-ontok sa laog kan harong huli ta natakot ako kan saindang pag-olog-olog.

Salmo 82:2

“Sagkod nuarin kamo maghuhukom tumang sa katanosan asin maapil sa mga tawong tampalasan?

Exodo 18:18

Mapagal iyan para sa saimo asin sa mga tawo. Magabat an trabahong iyan asin dai mo kayang gibohon na solo sana.

Exodo 18:22

Sinda an maglilingkod bilang mga hukom kan mga tawo sa gabos na panahon. Dadarahon ninda saimo an masakit na mga kaso, alagad sinda na an bahalang maghukom kan mga masayon. Kaya magigin pasil na para saimo huli ta katabang mo sinda sa saimong trabaho.

Exodo 18:26

Sinda an naglingkod bilang mga hukom kan mga tawo sa gabos na panahon. Dinara ninda ki Moises an masakit na mga kaso alagad sinda na an naghukom kan masayon.

Mga Talinhaga 18:5

An pagkampi sa tampalasan bakong marahay, siring man an dai pagtao nin hustisya sa tawong matanos.

Mga Talinhaga 24:23

An mga madonong nagtaram man kan mga bagay na ini: Bakong marahay para sa sarong hukom may pinapalaen.

Mga Talinhaga 28:21

Bakong marahay an igwa nin pinapalaen; alagad sa halaga sana nin sarong tinapay minagibo nin maraot an tawo.

Mga Talinhaga 29:25

An pagkatakot sa sasabihon kan ibang tawo iyo an mapahamak saimo, alagad an pagsarig sa Kagurangnan iyo an maligtas saimo.

Jeremias 1:17

Mag-andam ka, Jeremias; lakaw asin sabihan mo sinda kan gabos na ipinagboboot kong sabihon mo sainda. Dai ka ngunyan matakot sa sainda, huli ta kun matakot ka, gigibohon kong orog kang matakot kun nasa kaibahan ka na ninda.

Levitico 19:15

“Dai kamo maghukom na bakong matanos; dai kamo magpahiling nin pagsurog sa mga dukha o pagkatakot sa mga mayaman, alagad sa katanosan, hukoman nindo an saindong kapwa.

Malakias 2:9

Kaya ako, sa pagbalos, magtugot na kaongisan kamo kan banwaan nin Israel huli ta dai nindo kinuyog an sakong kabotan; may pinapalaen kamo kun nagtutukdo kamo sa sakong banwaan.”

Mateo 22:16

Kaya pinaduman ninda ki Jesus an saindang mga disipulo kaiba an nagkapirang tawohan ni Herodes. Nagsabi an mga ini, “Maestro, aram mi na bako kang putikon, talagang itinutukdo mo an kabotan nin Dios. Dai kang pinapalaen na tawo ta dai mo tinatawan nin halaga kun ano an katongdan ninda.

Markos 12:14

Hinapot ninda si Jesus, “Maestro, aram mi na bako kang putikon; dai ka natatakot sa kiisay man. Dai kang pinapalaen na tawo ta dai mo tinatawan nin halaga kun ano an katongdan ninda. Itinutukdo mo an kabotan nin Dios para sa tawo. Tugot daw sa satong katogonan na magbayad nin buhis ki Cesar o dai? Dapat daw kitang magbuhis sainda o dai?”

Lukas 20:21

Naghapot an mga ini ki Jesus, “Maestro, aram mi na tama an mga sinasabi saka mga itinutukdo mo. Aram mi man na mayo kang pinapalaen na tawo, kundi itinutukdo mo an kabotan nin Dios.

Roma 2:11

Huli ta an Dios mayo nin pinapalaen.

Efeso 6:9

Mga kagurangnan, siring man an gibohon nindo sa saindong mga oripon; dai nindo sinda pagpatakoton. Giromdomon nindo na kamo saka an saindong mga oripon sakop kan saro sanang Kagurangnan na yaon sa langit. Mayo siyang pinapalaen na tawo.

Deuteronomio 10:17

Huli ta an Kagurangnan na saindong Dios iyo an Dios nin mga dios, an Kagurangnan nin mga kagurangnan, an dakula, an makakamhan asin maninigong katakotan na Dios. Dai siya nin inaapilan asin dai siya nag-aako nin mga suhol.

Deuteronomio 16:19

Kaipuhan magin matanos sinda asin dai magpaorog sa kiisay man sa saindang paghukom. Dai sinda dapat na mag-ako nin suhol, huli ta an suhol nakakabuta maski sa mga madonong asin nakakaraot kan mga matanos.

Deuteronomio 24:17

“Dai nindo paghalean nin katanosan an mga dayuhan asin an mga ilo; dai nindo pagkuahon bilang sangra sa utang an gubing nin sarong babaeng balo.

Deuteronomio 25:1

“Halimbawa nag-iwal an duwang lalaki asin nag-atubang sinda sa hukoman, dangan ibinaba kan hukom an desisyon na pagpatalingkas kan mayong sala asin pagkondenar kan nagkasala.

Colosas 3:25

An naggigibo nin maraot babalosan man para sa maraot na ginibo niya, huli ta mayo nin pinapalaen an Dios.

1 Tesalonica 2:4

Kundi dayaday ming itinataram an boot nin Dios na ipahayag mi huli ta pinapagkanigo niyang ipaniwala samo an Marahay na Bareta. Naghihingowa kaming mawilihan bako nin mga tawo kundi nin Dios na nagbabalo kan satong mga puso.

Santiago 2:9

Alagad kun may pinapalaen kamo, nagkakasala kamo; kinokondenar kamo kan Katogonan bilang mga paralapas.

1 Pedro 1:17

Kun inaapod nindong Ama an Dios na masuripot na hinuhukoman an lambang saro sosog sa saiyang mga gibo, dapat man kamong maggalang saiya mantang nabubuhay pa kamo sa kinaban na ini.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.