Deuteronomio 1:11 - Marahay na Bareta Biblia

¹¹ Padakulon pa logod kamo nin sangribong beses nin Kagurangnan, an Dios kan saindong mga ginikanan, asin bendisyonan kamo siring sa saiyang panuga!

Deuteronomio 1:11 ပူးပေါင်းရင်းမြစ်များ

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 22:17

Minasumpa ako na tatawan taka nin mga kapagarakian na siring kadakul kan mga bitoon sa langit asin kan baybay sa tampi kan dagat. Dadaogon kan saimong mga kapagarakian an saindang mga kaiwal,

Genesis 26:4

Papadakulon ko siring sa mga bitoon sa kalangitan an saimong mga kapagarakian asin itatao ko sa sainda an bilog na teritoryong ini. Sa paagi ninda, bebendisyonan ko man an gabos na nasyon sa daga.

Genesis 49:25

An Dios nin saimong ama iyo an nagtatabang saimo An Makakamhan na Dios an nagbebendisyon saimo; Mga bendisyon nin uran hale sa itaas, Asin nin katubigan sa irarom nin daga, Bendisyon nin mga hayop saka nin mga aki.

2 Samuel 24:3

Alagad nagsimbag si Joab, “Gibohon logod nin Kagurangnan na saimong Dios na magdakul pa nin sanggatos na beses an bilang ngunyan kan namamanwaan sa Israel asin mahiling mo logod na ginigibo niya iyan. Alagad tadaw ta naoogma an Mahal na Hade na gibohon ini?”

1 Mga Cronica 21:3

Nagsimbag si Joab, “Gibohon logod nin Kagurangnan na magdakul pa nin sanggatos na beses an bilang ngunyan kan namamanwaan sa Israel! Mahal na Hade, mga sorogoon mo sinda gabos. Tadaw ta boot mong gibohon ini? Tadaw ta boot mong magkasala an bilog na nasyon?”

Salmo 115:14

Padakulon logod kamo nin Kagurangnan, kamo asin an saindong mga kapagarakian!

Exodo 32:13

Giromdoma si Abraham, si Isaac asin si Jacob, an saimong mga sorogoon na pinanugaan mo saka sinabihan na ‘Papadakulon ko an saimong kapagarakian siring sa mga bitoon sa langit; itatao ko sa saimong kapagarakian an dagang ini na ipinanuga ko, asin mapapasainda ini sagkod lamang.’”

Ezekiel 16:7

Pinadakula taka siring sa matubang na tinanom. Nagdakula ka, kuminosog asin nagin arog sa sarong daraga. Bilog na bilog an saimong mga suso asin naghalaba an saimong buhok, alagad huba ka.

Mga Bilang 22:12

Tinaraman nin Dios si Balaam, “Dai ka mag-iba sa mga lalaking iyan, asin dai mo pagmaldisyonon an banwaan nin Israel, huli ta yaon sainda an sakong bendisyon.”

Mga Bilang 6:27

Nagtaram an Kagurangnan, “Kun sambiton ninda an sakong ngaran bilang sarong bendisyon sa banwaan nin Israel, bebendisyonan ko sinda.”

Deuteronomio 1:10

Ginibo nin Kagurangnan na saindong Dios na magdakul kamo siring sa mga bitoon sa langit.

Deuteronomio 1:12

Alagad solo sana ako, kaya paano kong madadara an gabat nindo asin kan saindong mga kaso?

Deuteronomio 1:8

Ini gabos inandam ko para saindo; dumanon nindo asin sakopon an daga na ipinanuga ko na itatao sa saindong mga ginikanan, ki Abraham, ki Isaac, asin ki Jacob sagkod sa saindang kapagarakian.’”

Deuteronomio 10:22

Kan magduman sa Egipto an saindong mga ginikanan, setenta sana sinda; alagad ngunyan pinadakul kamo nin Kagurangnan na saindong Dios siring sa mga bitoon sa langit.

Deuteronomio 28:62

Maski magdakul kamo siring sa mga bitoon sa langit, dikit sana an matatada saindo, huli ta dai nindo kinuyog an Kagurangnan na saindong Dios.