Daniel 9:7 - Marahay na Bareta Biblia

⁷ Ika, Kagurangnan, danay na naggigibo kan tama, alagad danay ming dinadarahan nin kasosopgan an samong sadiri sagkod ngunyan; nangyari ini samo na nag-eerok sa Juda asin sa Jerusalem patin sa gabos na Israelita na saimong iwinarak sa mga harani saka harayong mga daga huli ta bako sindang maimbod saimo.

Daniel 9:7 ပူးပေါင်းရင်းမြစ်များ

Esdras 9:13

Maski pakatapos kan gabos na nangyari samo bilang padusa kan samong mga kasalan asin kasombikalan, aram nyamo na kulang pa nin marahay an padusa mo samo, O samuyang Dios, asin tinugotan mo pa kaming mabuhay.

Esdras 9:15

Matanos ka, O Kagurangnan na Dios nin Israel, huli ta may natada samong buhay. Ikinukumpisal nyamo saimo an samong mga kasalan; bako kaming maninigo na magdolok sa saimong atubang.”

Nehemias 9:33

Nagin matanos ka sa pagpadusa sa samo; nagin maimbod ka, maski ngani kami nagkasala.

Salmo 119:137

Kagurangnan, ika matanos, asin an saimong mga katogonan matanos.

Salmo 44:15

Bilog na maghapon disonra an kaatubang ko, asin sopog an nakatahob sa lalawogon ko,

Salmo 51:14

Ligtasan ako, O Dios, sa kagadanan, ika na Dios nin sakuyang kaligtasan, asin an sakong dila mag-aawit kan saimong katanosan.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Isaias 11:11

Sa aldaw na iyan, gagamiton giraray nin Kagurangnan an saiyang kapangyarihan asin ipupuli an mga natada kan saiyang banwaan hale sa Asiria, Egipto, Patros, Etiopia, Elam, Babilonia, Hamath, asin sa mga baybayon kan dagat.

Isaias 45:16

An mga naggigibo nin mga ladawan mapapasopog asin mawawaraan nin onra.

Jeremias 12:1

“Kagurangnan, kun minareklamo ako saimo, pinapatotoohan mo na matanos ka. Alagad hahapoton taka manongod sa hustisya. Tadaw ta nag-uuswag an mga maraot na tawo? Tadaw ta minayaman an mga madaya?

Jeremias 23:6

Magigin ligtas an Juda sa panahon nin saiyang paghahade, asin an Israel mamumuhay na matiwasay. Aapodon siya sa ngaran na ‘An Kagurangnan Samong Kaligtasan.’

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 3:25

Dapat kaming pahigdaon sa kasosopgan, asin tahoban nin disonra. Kami asin an samong mga ginikanan danay na nagkasala sa Kagurangnan na samuyang Dios; dai mi nanggad kinuyog an saiyang mga pagboot.”

Jeremias 32:32

huli kan gabos na karatan na ginibo kan mga taga Juda saka mga taga Jerusalem kaiba an saindang mga hade saka mga lider, an saindang mga padi saka mga propeta.

Jeremias 33:16

Sa mga aldaw man na iyan, ililigtas an Juda saka mamumuhay na matiwasay an Jerusalem. An syudad aapodon ‘An Kagurangnan Samong Kaligtasan.’

Jeremias 4:17

asin mapalibot sa Jerusalem, siring sa mga lalaking nagbabantay sa oma, huli ta an mga tawo duman nagrebelde tumang sa Kagurangnan. An Kagurangnan an nagtaram.

Jeremias 7:19

Alagad ako daw an nakukulogan ninda? Bako, kundi sinda man sana an nakukulogan asin nasosopgan.

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Ezekiel 36:31

Dangan magigiromdoman nindo an maraot nindong mga ugale saka mga gawe. Mauuyam kamo sa saindong sadiri huli kan saindong mga kasalan asin kasombikalan.

Ezekiel 5:10

Mangyayari na an mga aki sa Jerusalem kakakanon kan saindang mga magurang, asin an mga magurang kakakanon kan saindang mga aki. Papadusahan taka asin an mga matadang buhay iwawarak ko sa gabos na direksyon.

Ezekiel 6:12

An mga nasa harayo maghehelang dangan magagadan; an mga nasa harani magagadan sa gera; an matatada magagadan sa gutom. Mamamatean ninda an gabat kan sakuyang kaanggotan.

Daniel 9:14

Andam ka sa pagpadusa samo, O Kagurangnan na samong Dios, asin pinadusahan mo mananggad kami huli ta danay na tama an saimong ginigibo, asin dai kami nagdangog saimo.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Daniel 9:8

An kasosopgan napasamo, sa samong mga hade, mga pamayo, asin mga ginikanan huli ta nagkasala kami saimo, Kagurangnan.

Amos 9:9

“Ako an magboboot asin an magsasaligsig kan banwaan nin Israel arog kan pagsaligsig sa trigo. Sasaligsigon ko sinda sa tahaw kan mga nasyon tanganing mahale an gabos na mayo nin halaga.

Roma 6:21

Alagad anong karahayan an nakua nindo sa paggibo kan mga bagay na idto na ngunyan ikinakasopog nindo? An bunga kan mga bagay na idto, kagadanan!

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Deuteronomio 4:27

Iwawarak kamo nin Kagurangnan sa ibang mga nasyon saen nagkapira sana sa saindo an matatadang buhay.