Daniel 9:4 - Marahay na Bareta Biblia

⁴ Namibi ako sa Kagurangnan na sakong Dios asin itinuga ko an mga kasalan kan sakong mga kahimanwa. Nagsabi ako, “Kagurangnan Dios, dakula ka asin ginagalangan mi ika. Maimbod ka sa saimong tipan asin ipinapahiling mo an danay mong pagkamoot sa mga namomoot saimo saka nag-ootob kan saimong katogonan.

Daniel 9:4 ပူးပေါင်းရင်းမြစ်များ

1 Mga Hade 8:23

asin namibi, “O Kagurangnan, Dios nin Israel, mayo nin Dios na arog saimo sa langit asin sa daga! Inootob mo an saimong tipan sa saimong banwaan asin ipinapahiling mo an danay mong pagkamoot sa mga sorogoon mong bilog na pusong nagkukuyog saimo.

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

Nehemias 1:5

“O Kagurangnan, Dios nin langit, dakula saka ginagalangan na Dios na maimbod na nag-ootob kan tipan asin danay na namomoot sa mga namomoot saimo saka nagkukuyog kan saimong mga togon;

Nehemias 9:32

“O Dios, samuyang Dios, dakula kang gayo, makangirhat asin mapangyari! Inootob mo an tipan asin ipinapahiling mo an danay na pagkamoot. Dai mo man logod ibilang na kadikit sanang kasakitan an nag-abot samuya, poon kan apihon kami kan mga hade nin Asiria asin sagkod ngunyan; mga kasakitan na nag-abot sa samuyang mga hade, mga lider, mga padi, asin mga propeta, sa samuyang mga ginikanan asin sa bilog na banwaan.

Salmo 32:5

Dangan nagkumpisal ako kan sakong kasalan saimo; dai ko tinago an mga sala kong gibo. Nagsabi ako, “Ikukumpisal ko an sakong mga kasalan sa Kagurangnan,” asin pinatawad mo an gabos kong kalapasan.

Exodo 20:6

Alagad ipinapahiling ko an danay kong pagkamoot sa rinibong henerasyon kan mga namomoot sako asin nag-ootob kan sakong mga togon.

Jeremias 3:13

Akoon mo sana na nagkasala ka asin nagrebelde tumang sa Kagurangnan, na saimong Dios. Ikumpisal mo na sa lindong nin lambang berdeng kahoy, itinao mo an saimong pagkamoot sa dayuhan na mga dios-dios asin dai ka nagkuyog kan sakong mga pagboot. Ako, an Kagurangnan, an nagtaram.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Daniel 6:10

Kan maaraman ni Daniel na pinirmahan na an pagboot, nagpuli siya sa saiyang harong. Sa sarong kwarto sa itaas kan saiyang harong, igwa nin mga bintana na nakaatubang sa Jerusalem. Duman, sosog sa dati niyang ginigibo, nagluhod siya sa may mga bukas na bintana asin namibi sa Dios tolong beses sa sarong aldaw.

Daniel 9:3

Namibi ako nin maigot sa Kagurangnan Dios, nakimaherak saiya, nag-ayuno, nagsulot nin sako asin nagtukaw sa abo.

Lukas 1:72

Nanuga siyang maheherakan niya an satong mga ginikanan, asin gigiromdomon an banal niyang tipan.

Roma 8:28

Aram ta na sa gabos na bagay an Dios naggigibo para sa karahayan kan mga namomoot saiya—an mga inaapod niya sosog sa saiyang katuyohan.

Deuteronomio 5:10

Alagad ipinapahiling ko an danay kong pagkamoot sa ribo-ribong henerasyon kan mga namomoot sa sako asin nag-ootob kan sakong mga togon.

Deuteronomio 7:12

“Kun dangogon nindo asin kuyogon an mga togon na ini, ootobon nin Kagurangnan na saindong Dios an saiyang tipan asin ipapahiling niya saindo an saiyang danay na pagkamoot na ipinanuga niya sa saindong mga ginikanan.

Deuteronomio 7:21

Kaya dai kamo matakot sainda. Kaiba nindo an Kagurangnan na saindong Dios; dakula siya asin dapat katakotan.

Deuteronomio 7:9

Giromdoma na an Kagurangnan na saindong Dios iyo sana an Dios asin maimbod siya. Ootobon niya an saiyang tipan asin ipapahiling niya an saiyang danay na pagkamoot sa ribo-ribong henerasyon kan mga namomoot saiya saka nag-ootob kan saiyang mga togon,

Santiago 1:12

Paladan an tawong nagdadanay na maimbod sa panahon nin mga pagbalo, huli ta kun matagalan niya iyan, maako siya kan korona nin buhay na ipinanuga nin Dios sa mga namomoot saiya.

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.