Daniel 9:27 - Marahay na Bareta Biblia

²⁷ An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Daniel 9:27 ပူးပေါင်းရင်းမြစ်များ

Isaias 28:15

Ipinag-oorgulyo nindo na nakipagtipan kamo sa kagadanan asin nagkaoroyon kamo saka an kinaban kan mga gadan. Nagsasabi man kamo na dai kamo maaano pagdatong kan kahorasaan, huli ta nagsasarig kamo sa kaputikan asin sa daya tanganing magin ligtas kamo.

Isaias 28:22

Hare nindo pagngisi an patanid na itinatao ko saindo! Kun magngisi kamo, orog na magigin masakit para saindo an pagdulag, huli ta nadangog ko hale sa Kagurangnan Dios nin mga hukbo an sarong pagboot na raoton an bilog na daga.

Isaias 42:6

“Ako, an Kagurangnan, an nag-apod saimo asin an nagtao saimo nin kapangyarihan nganing papangyarihon mo an hustisya sa kinaban. Sa paagi mo makikipagtipan ako sa gabos na banwaan; huli saimo dadarahan ko nin liwanag an mga nasyon.

Isaias 53:11

Pakatapos kan gabos niyang kasakitan, magkakaigwa giraray siya nin kaogmahan; maaaraman niyang dai nasayang an saiyang pagtios. An maimbod kong sorogoon, na sakong nawiwilihan, iyo an mapasan kan padusa kan kadaklan asin huli sa saiya sinda sakong papatawadon.

Isaias 55:3

“Paghinanyog kamo, sakong banwaan, asin dumolok kamo sako; madya kamo sako, asin magkakaigwa nin kapanoan an saindong buhay! Magibo ako saindo nin tipan na daing kataposan asin itatao ko saindo an mga bendisyon na ipinanuga ko ki David.

Jeremias 7:30

“Guminibo nin karatan an mga taga Juda. An mga ladawan na kinakaongisan ko ibinugtak ninda sa sakong Templo asin dinigtaan ninda ini.

Daniel 11:31

An nagkapira kan saiyang soldados madigta kan Templo; oontokon ninda an aroaldaw na pagsakripisyo asin papatindogon an Makangirhat na Katakotan.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 12:11

“Magpoon sa pagpaontok kan aroaldaw na sakripisyo, na an boot sabihon pagpoon kan Mangirhat na Katakotan, maagi an mil dos syentos nubentang aldaw!

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 8:13

Dangan nadangog kong hinapot kan sarong anghel an saro pang anghel, “Sagkod nuarin magpapadagos an mga bagay na ini na nahiling sa bisyon? Sagkod nuarin riribayan nin makangirhat na kasalan an aroaldaw na atang? Sagkod nuarin titimaktimakan an langitnon na hukbo saka an Templo?”

Oseas 3:4

Sa siring na kamugtakan, mamumuhay na mayo nin mga hade o lider an mga Israelita; mayo nin mga sakripisyo o banal na mga hariging gapo, mayong mga dios-dios o mga ladawan na gagamiton sa pag-aram kan dai pa nangyayari.

Mateo 24:15

“Mahihiling nindong mangyayari sa banal na lugar ‘An Makangingirhat na Katakotan,’ na sinabi ni Propeta Daniel.” (Saboton ini kan nagbabasa!)

Mateo 26:28

huli ta iyo ini an sakong dugo kan bagong tipan, dugo na pinapabulos para sa dakul na tawo sa pagpatawad nin mga kasalan.

Mateo 27:51

Dangan nabanga an kurtina kan Templo poon sa itaas sagkod sa ibaba. Naglinog sa bilog na daga asin nagkabaraak an mga gapo.

Markos 13:14

“Mahihiling nindo ‘An Makangingirhat na Katakotan’ na nagtitindog sa lugar na dai niya dapat tindogan.” (Saboton ini kan nagbabasa!) “Idtong mga nasa Judea, kaipuhan magdulag pasiring sa kabubuldan.

Lukas 21:20

“Kun mahiling nindo an Jerusalem na napapalibotan nin mga hukbo, aram na nindong madali na iyan rumpagon.

Lukas 21:24

An iba magagadan sa gera, asin an iba dadarahon bilang mga bihag sa gabos na nasyon; rurumpagon kan mga pagano an Jerusalem sagkod na maotob an panahon ninda.

Roma 11:26

Pakatapos kaiyan, makakaligtas an bilog na Israel, sosog sa sinasabi sa kasuratan, “An Paraligtas maabot hale sa Sion; hahaleon niya an gabos na katampalasanan sa kapagarakian ni Jacob.

Roma 5:15

Alagad bakong magkapareho an duwang ini, huli ta an regalo nin Dios laen nin marahay sa kasalan ni Adan. Totoong dakul na tawo an nagadan huli sa pagkagadan ni Adan. Alagad mas mapangyari an biyaya nin Dios asin an saiyang regalo sa paagi kan biyaya kan sarong tawo, si Jesu-Cristo.

Roma 5:19

Kun huli kan pagsuhay nin sarong tawo, kadakul kan nagin parakasala; dahel man kan pagkuyog nin sarong tawo, dakul an magigin matanos sa Dios.

Hebreyo 9:28

Siring man si Cristo inatang saro sanang beses para sa paghale kan mga kasalan kan dakul na tawo. Maabot siya giraray, bako nang sa paghale kan kasalan, kundi sa pagligtas kan mga naghahalat saiya.