Daniel 9:21 - Marahay na Bareta Biblia

²¹ Mantang namimibi ako, si Gabriel, an lalaking nahiling ko sa bisyon, naglayog pasiring sa namumugtakan ko. Panahon kaidto kan pagdolot kan pangbangging atang.

Daniel 9:21 ပူးပေါင်းရင်းမြစ်များ

1 Mga Hade 18:29

Nagpadagos sinda kan makosog na pag-apod ki Baal sagkod alas tres nin hapon; alagad mayo nin nagsimbag asin mayo nin nagdangog.

1 Mga Hade 18:36

Kan oras na tanganing idolot an panghapon na sakripisyo, nagdolok si Elias sa altar saka namibi, “Kagurangnan, Dios ni Abraham, ni Isaac, asin ni Jacob, patotoohan mo ngunyan na ika an Dios nin Israel, na ako an saimong sorogoon, asin na ginibo ko ini huli sa saimong pagboot.

Salmo 103:20

Mag-omaw kamo sa Kagurangnan, kamong makosog asin mapangyaring mga anghel, na nag-ootob kan saiyang mga kabotan, na naghihinanyog kan saiyang mga itinaram.

Salmo 104:4

Ginagamit mo an mga doros bilang saimong mga sugo; an nagsisilyab na kikilat bilang saimong mga sorogoon.

Salmo 141:2

Akoon mo an sakong pamibi siring sa insenso; asin an initaas kong mga kamot bilang pamangging atang.

Exodo 29:39

Idolot nindo an sarong kordero pagkaaga asin an saro pagkabanggi.

Isaias 6:2

Sa palibot niya nagtitindog an mga serafim; an lambang saro sainda igwa nin anom na pakpak: an duwa pantahob kan saindang lalawogon, an duwa pantahob kan saindang mga bitis, asin an duwa ginagamit ninda sa paglayog.

Ezekiel 1:11

An duwang pakpak kan lambang linalang nakaunat paitaas asin nakaduta sa poro kan mga pakpak kan kataed na linalang mantang an duwa pang pakpak tiklop na nakakatahob kan saindang hawak.

Ezekiel 1:14

Pabalik-balik man na minahiro an mga linalang na arog karikas sa kikilat.

Ezekiel 14:14

Maski pa nag-eerok duman idtong tolong lalaki na si Noe, Danel, asin Job, an ikakaligtas sana kan saindang katanosan iyo an sadiri nindang buhay.” An Kagurangnan Dios an nagtaram.

Daniel 10:10

Dangan sarong kamot an nagpugol sako asin nagtabang na makatindog ako; padagos an sakong pagtakig.

Daniel 10:16

Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Daniel 10:18

Pinugol niya giraray ako, asin namatean kong nagkosog ako.

Daniel 8:16

Dangan nadangog ko an sarong tingog na nag-apod hale sa ibong kan Salog nin Ulai, “Gabriel, paliwanagan saiya an kahulogan kan saiyang nahiling.”

Daniel 8:18

Mantang nagtataram siya, nadismayo ako alagad kinapotan niya ako asin pinatindog.

Mateo 27:46

Kan mag-aalas tres na, nagkurahaw si Jesus nin makosog, “Eli, Eli, lema sabactani?” na an boot sabihon, “Dios ko, Dios ko, tadaw ta pinabayaan mo ako?”

Lukas 1:19

Nagsimbag an anghel, “Ako si Gabriel na naglilingkod sa atubang nin Dios. Sinugo ako nganing taraman ka asin darahon saimo an marahay na baretang ini.

Lukas 1:26

Kan ikaanom nang bulan kan pagbados ni Isabel, an anghel na si Gabriel sinugo nin Dios sa sarong banwaan nin Galilea, na an ngaran Nazaret,

Mga Gibo 10:3

Sarong hapon, mag-aalas tres na kaidto, nagkaigwa siya nin bisyon: malinaw niyang nahiling an sarong anghel nin Dios na naglaog sa namumugtakan niya dangan nag-aapod saiya, “Cornelio!”

Mga Gibo 10:9

Sunod na aldaw, kan nagdadangadang na sa Jope an mga sinugo, nagsakat si Pedro sa atop kan harong tanganing mamibi. Mag-aalas dose na nin odto kaidto.

Mga Gibo 12:7

Bigla sanang nagtunga an sarong anghel nin Kagurangnan, dangan nagliwanag sa laog kan bilanggoan. Yinogyog kan anghel si Pedro sa abaga saka sinabihan, “Dali! Magbangon ka!” Natangkas an mga kadena sa mga kamot ni Pedro.

Mga Gibo 3:1

Sarong aldaw, nagduman sa Templo si Pedro asin si Juan. Alas tres nin hapon kaidto asin oras nin pamibi.

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Hebreyo 1:7

Uya an sabi nin Dios dapit sa mga anghel, “Ginibo niyang doros an saiyang mga anghel; ginigibo niyang laad nin kalayo an saiyang mga sorogoon.”

Kapahayagan 9:17

Nahiling ko sa bisyon an mga kabayo asin an mga nangangabayo na may pantahob sa daghan na arog kapula sa kalayo, arog kaasul sa sapiro saka arog kaamarilyo sa asupre. An mga kabayo may payo na garo leon: may nagluluwas na kalayo, aso saka asupre sa ngoso ninda.