Daniel 9:19 - Marahay na Bareta Biblia

¹⁹ Kagurangnan, dangoga kami. Kagurangnan, patawada kami. Kagurangnan, hinanyoga kami asin paghiro! Maghidali ka, tanganing maaraman kan gabos na ika an Dios! Saimo an syudad asin an banwaan na ini.”

Daniel 9:19 ပူးပေါင်းရင်းမြစ်များ

2 Mga Cronica 6:21

Hinanyoga an saimong mga sorogoon pati an saimong banwaan na Israel sa panahon na mamibi kaming atubang sa lugar na ini. Hinanyoga kami hale sa saimong erokan sa langit dangan patawada.

2 Mga Cronica 6:39

hale sa langit na saimong erokan, hinanyoga an saindang mga pamibi dangan maherak ka sainda. Patawada sinda kan gabos nindang kasalan.

Isaias 43:7

Sinda an sadiri kong banwaan asin ako an naglalang sainda tanganing magdara sako nin kamurawayan.”

Jeremias 14:7

Nakimaherak sako an banwaan ko, ‘Maski nagsasaksi an samong mga kasalan tumang samo, tabangi kami, Kagurangnan, siring kan saimong panuga. Kadakul na beses kaming nagtalikod saimo; nagkasala kami saimo.

Jeremias 14:9

Tadaw ta arog ka sa sarong tawong namongnan, arog sa sarong soldados na dai kayang tumabang? Alagad ika, O Kagurangnan, uya sa samong kaibahan! Kami an banwaan mo; dai mo kami pagbayaan.’”

Jeremias 25:29

Popoonan ko an pagraot sa sadiri kong syudad. Naghohona daw sinda na dai sinda mapapadusahan? Papadusahan sinda huli ta mapadara ako nin gera sa gabos na tawo sa kinaban. Ako, an Kagurangnan nin mga hukbo, an nagtaram.

Ezekiel 20:14

Alagad dai ko iyan ginibo huli ta mapapasopog an sakong ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:22

Alagad dai ko iyan ginibo huli ta mapapasopog an sakuyang ngaran sa atubang kan mga nasyon na nakahiling kan iluwas ko an Israel hale sa Egipto.

Ezekiel 20:9

Alagad dai ko iyan ginibo, huli ta mapapasopog an sakong ngaran, huli ta sa atubang kan mga nasyon, saen nag-erok sinda, nagpahayag ako sa mga Israelita na iluluwas ko sinda sa Egipto.

Ezekiel 36:22

“Kaya sabihan mo an mga Israelita na ini an itinataram ko, an Kagurangnan Dios: Banwaan nin Israel, an gigibohon ko bakong huli sa saindo, kundi huli sa banal kong ngaran na dinigtaan nindo sa lambang nasyon na dinumanan nindo.

Ezekiel 39:25

Nagtaram an Kagurangnan Dios, “Alagad ngunyan maheherak ako sa kapagarakian ni Jacob, sa banwaan nin Israel, asin papauswagon ko giraray sinda. Iingatan ko an banal kong ngaran.

Daniel 9:18

Hinanyoga kami, O Dios; hilinga kami asin an kasakitan na samong tinitios patin an tinitios kan syudad na nagdadara kan saimong ngaran. Namimibi kami saimo huli ta maheherakon ka, bakong huli ta matanos an samong gibo.

Amos 7:2

Sa sakong bisyon nahiling kong kinakakan kan mga doron an gabos na tinanom sa bilog na daga, dangan nagsabi ako, “Kagurangnan Dios, patawada an saimong banwaan! Paano sinda mabubuhay? Saradit sinda nin marahay saka maluluya!”

Mga Bilang 14:19

Nakikimaherak ako, patawada an kasalan kan mga tawong ini Kagurangnan, sosog sa saimong dakula asin danay na pagkamoot, siring kan pagpatawad mo sainda poon kan paghale ninda sa Egipto.”

Mga Bilang 6:27

Nagtaram an Kagurangnan, “Kun sambiton ninda an sakong ngaran bilang sarong bendisyon sa banwaan nin Israel, bebendisyonan ko sinda.”

Lukas 11:8

Sinasabihan ko kamo, maski habo siyang magbangon nganing tawan ka kan hinahagad mo, mabangon na sana siya asin matao bakong huli ta magkatood kamo kundi huli sa kapipirit mo.

Mga Gibo 15:17

tanganing an ibang mga tawo maghanap sa Kagurangnan, siring man an gabos na pagano na inapod kong magin sadiri ko.

Efeso 1:12

Kaya kaming mga naenot na naglaom ki Cristo itinalagang mabuhay para sa kaomawan kan saiyang kamurawayan.

Efeso 1:6

Omawon ta an Dios dahel kan saiyang nagsusupay na biyaya na itinao niya sato bilang regalo na yaon sa namomotan niyang Aki!

Efeso 3:10

tanganing ikapahayag sa paagi kan simbahan, an daing kasagkoran na kadonongan nin Dios ngunyan sa manlaen-laen na paagi, sa mga prinsipado asin sa mga kapangyarihan sa kalangitan.