Daniel 9:17 - Marahay na Bareta Biblia

¹⁷ O Dios, dangoga an sakong pamibi saka pakimaherak. Hirahaya an saimong Templo na naraot, tanganing maaraman kan gabos na ika an Dios.

Daniel 9:17 ပူးပေါင်းရင်းမြစ်များ

1 Mga Hade 8:28

Alagad hinanyoga an pamibi asin an pakimaherak kan saimong sorogoon, O Kagurangnan na sakong Dios; hinanyoga an sakong pamibi asin simbaga an kahagadan na ipinapahayag ko saimo ngunyan na aldaw.

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

Salmo 119:135

Paliwanaga an lalawogon mo sa saimong sorogoon, asin tukdoe ako kan saimong mga katogonan.

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 67:1

O Dios, kaheraki asin bendisyoni kami; paliwanaga sa samo an saimong lalawogon,

Salmo 67:2

tanganing maaraman kan bilog na daga an saimong kabotan; tanganing an gabos na nasyon makaaram kan saimong kaligtasan.

Salmo 74:3

Maglakaw ka sa mga lugar na narumpag na gayo; rinaot kan mga kaiwal an gabos na nasa laog kan Templo!

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 80:19

Kagurangnan, Dios nin mga hukbo, ibalik mo kami; pahilingan samo an saimong pagkaherak, asin kami makakaligtas.

Salmo 80:3

O Dios, ibalik mo kami; pahilingan samo an saimong pagkaherak, asin kami makakaligtas.

Salmo 80:4

O Kagurangnan, Dios nin mga hukbo, sagkod nuarin ka maaanggot sa pamibi kan saimong banwaan?

Salmo 80:7

O Dios nin mga hukbo, ibalik mo kami; pahilingan samo an saimong pagkaherak, asin kami makakaligtas.

Isaias 48:11

Huli sa sako man sana, ginigibo ko iyan— dai ko itutugot na pagbasang-basangon an sakong ngaran o na may makihiras kan sakong kamurawayan, na para sa sako nanggad sana asin bakong sa kiisay pa man.”

Mga Panambitan 3:56

Nadangog mo kan ako makimaherak na hinanyogon mo an sakong inagrangay.

Mga Panambitan 5:18

huli ta an Bukid nin Sion rumpag na asin mayong nag-eerok, saka pinaglakaw-lakawan nin mga lalaw na ayam.

Daniel 9:19

Kagurangnan, dangoga kami. Kagurangnan, patawada kami. Kagurangnan, hinanyoga kami asin paghiro! Maghidali ka, tanganing maaraman kan gabos na ika an Dios! Saimo an syudad asin an banwaan na ini.”

Juan 16:24

Sagkod ngunyan mayo pa kamong hinagad saiya sa ngaran ko. Humagad kamo ta maako kamo, tanganing magsupay an saindong kaogmahan.

2 Corinto 1:20

Si Cristo an “Iyo” kan gabos na panuga nin Dios. Kaya, sa paagi niya minasabi kitang “Amen” bilang pag-omaw sa Dios.

Kapahayagan 21:23

Dai na kaipuhan kan syudad an liwanag kan aldaw o kan bulan, huli ta an kamurawayan nin Dios iyo an liwanag kaiyan dangan an Kordero iyo an ilaw.