Daniel 9:16 - Marahay na Bareta Biblia

¹⁶ Sinurog mo kami kaidto, kaya dai mo na ipagpadagos an saimong kaanggotan sa Jerusalem. Iyan an saimong syudad, an saimong banal na bulod. Pinagtutuyatuya an Jerusalem saka an saimong banwaan kan gabos na nasyon sa palibot nyamo huli kan samong mga kasalan asin kan mga ginibong karatan kan samong mga ginikanan.

Daniel 9:16 ပူးပေါင်းရင်းမြစ်များ

Nehemias 9:8

Nahiling mo na maimbod siya saimo, kaya nakipagtipan ka saiya. Nanuga ka saiya na itatao mo sa saiyang kapagarakian an daga kan mga Cananeo, mga Heteo, mga Amoreo, mga Pereseo, mga Jebuseo, asin mga Gergeseo. Inotob mo an saimong panuga, huli ta ika matanos.

Salmo 143:1

Hinanyoga an sakong pamibi, Kagurangnan; dangoga an sakong pakimaherak! Simbaga ako huli kan saimong pagkamaimbod asin pagkamatanos.

Salmo 31:1

Sa saimo, Kagurangnan, minahanap ako nin pailihan; hare nanggad ako pagpasopogan; sa saimong katanosan ako ligtasan!

Salmo 41:13

Pag-omawon an Kagurangnan, an Dios nin Israel; ngunyan asin sagkod pa man! Amen! Amen!

Salmo 71:2

Sa saimong pagkamatanos ligtasan ako; himatea asin agawa ako!

Salmo 79:4

Nagin ngingisihan kami kan samuyang mga kataed; pinag-olog-olog saka pinagtuya-tuya kan mga nasa palibot nyamo.

Salmo 85:4

Ibalik mo kami, O Dios nin samong kaligtasan; halea an saimong hinanakit sa samo.

Salmo 89:51

Kagurangnan, an saimong linahidan tinutuya-tuya kan saimong mga kaiwal! Pinag-oolog-olog saen man siya magduman.

Exodo 20:5

Dai kamo magduko sa mga dios-dios o magsamba sa sainda, huli ta ako an Kagurangnan na saindong Dios, sarong maimon na Dios. Pinapadusahan ko an mga naoongis sako pati an saindang mga aki sagkod sa ikatolo saka sa ikaapat na henerasyon.

Isaias 5:25

Anggot an Kagurangnan sa saiyang banwaan, asin inunat niya an saiyang kamot sa pagpadusa sainda. Matatanyog an kabukidan asin an mga bangkay kan nagkagaradan magkakawaralat sa mga tinampo siring sa ati. Alagad dai man giraray maoontok an kaanggotan nin Kagurangnan, kundi padagos na magigin unat an saiyang kamot sa pagpadusa.

Jeremias 24:9

Papadarahan ko sinda nin kasakitan na sukat ikatakot kan gabos na nasyon sa kinaban. Pagngingisihan sinda kan mga tawo, gigibohon na subahan, pag-oolog-ologon asin gagamiton an saindang ngaran bilang sarong maldisyon sa lambang lugar na pagwawarakan ko sainda.

Jeremias 29:18

Lalamagon ko sinda sa paagi nin gera, gutom, saka peste, asin an gabos na nasyon sa kinaban magkakatirikbahan dangan magkakatarakot sa mangyayari sainda. Sa gabos na nasyon na pagwawarakan ko sainda, pagsusubahan sinda kan mga tawo saka gagamiton an saindang ngaran bilang sarong maldisyon.

Jeremias 32:31

Pinaanggot ako nin labi-labi kan mga tawo sa syudad na ini magpoon kan ini itinugdok. Raraoton ko ini

Jeremias 32:32

huli kan gabos na karatan na ginibo kan mga taga Juda saka mga taga Jerusalem kaiba an saindang mga hade saka mga lider, an saindang mga padi saka mga propeta.

Ezekiel 22:4

Kinondenar ka huli sa panggagadan asin sa pagdigta kan sadiri huli kan mga dios-dios na ginibo mo; kaya nagdadangadang na an saimong aldaw, uminabot na an saimong oras! Kaya tinugotan kong pagngisihan ka kan mga nasyon asin pagtuyatuyaon kan mga banwaan.

Ezekiel 5:14

Tutuyatuyaon ka asin haharayoan kan lambang mag-agi na gikan sa ibang nasyon sa palibot mo.

Daniel 11:45

Papatindogon niya an saiyang garo mga palasyong tolda sa pagultanan kan dagat asin bukid na natutugdokan kan Templo. Alagad magagadan siyang mayo nin saro duman na matabang saiya.”

Daniel 9:20

Nagpadagos ako sa pagpamibi, sa pagkumpisal kan sakong kasalan saka kan kasalan kan banwaan nin Israel asin sa pakimaherak sa Kagurangnan na sakong Dios na hirahayon an saiyang banal na Templo.

Joel 3:17

“Dangan, Israel, maaaraman mo na ako an Kagurangnan na saimong Dios. Nag-eerok ako sa Sion, an banal kong bulod. An Jerusalem magigin banal na syudad; dai na nanggad iyan masasakop kan mga dayuhan.

Zacarias 8:3

Mabalik ako sa Jerusalem, sa banal kong syudad dangan duman ako maerok. An Jerusalem mamimidbidan na maimbod na syudad, asin an bulod kan Kagurangnan nin mga hukbo aapodon an banal na bulod.

2 Tesalonica 1:6

Gigibohon nin Dios an tama; papasakitan niya an mga nagpapasakit saindo.

1 Juan 1:9

Alagad kun ikumpisal ta sa Dios an satong mga kasalan, lilinigan niya kita saka papatawadon; lilinigan kita kan gabos tang kasalan, huli ta maimbod siya asin matanos.

1 Samuel 2:7

An iba saiyang pinapangagin dukha, an iba mayaman; an iba saiyang ibinababa, an iba ilinalangkaw.