Daniel 9:15 - Marahay na Bareta Biblia

¹⁵ “O Kagurangnan na samong Dios, ipinahiling mo an saimong kapangyarihan kan iluwas mo an saimong banwaan sa Egipto asin nagigiromdoman pa sagkod ngunyan an saimong kapangyarihan. Nagkasala kami; ginibo mi an bakong tama.

Daniel 9:15 ပူးပေါင်းရင်းမြစ်များ

1 Mga Hade 8:51

Sadiri mo an banwaan na ini na ilinuwas mo sa Egipto, idtong nagbabagang horno.

2 Mga Hade 21:15

Gigibohon ko ini sa sakong banwaan huli ta nagkasala sinda sako asin pinaanggot ninda ako magpoon kan aldaw na naghale sa Egipto an saindang mga ginikanan sagkod ngunyan.”

2 Mga Cronica 6:37

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

Nehemias 1:10

“Kagurangnan, sinda an saimong mga sorogoon asin banwaan na tinubos kan saimong dakulang kapangyarihan saka kosog.

Nehemias 1:6

hilinga ako, Kagurangnan, asin dangoga an sakong pamibi, siring kan sakong pagpamibi aldaw-banggi para sa saimong mga sorogoon, an banwaan nin Israel. Ikinukumpisal kong kami, an banwaan nin Israel, nagkasala saimo. Ako asin an sakuyang mga ginikanan nagkasala saimo.

Nehemias 9:10

Nagpahiling ka nin mga tanda saka mga ngangalasan laban sa hade nin Egipto, laban sa saiyang mga opisyal asin sa gabos na tawo sa saiyang daga, huli ta aram mo na inapi ninda an saimong banwaan. Nagin bantog an saimong ngaran sagkod ngunyan na aldaw.

Salmo 106:8

Alagad ilinigtas niya sinda huli kan saiyang ngaran, tanganing ipamidbid niya an saiyang kapangyarihan.

Exodo 13:14

Sa maabot na panahon, kun maghapot an saindong aking lalaki kun ano an boot sabihon kan ginigibo nindong ini, sabihan nindo, ‘Huli kan saiyang dakulang kapangyarihan, hinale kami nin Kagurangnan sa Egipto, saen nagin mga oripon kami.

Exodo 13:16

Ini arog sa sarong bagay na nakagakod sa samong kamot o sa samong angog; magpapagiromdom ini samo na ilinuwas kami nin Kagurangnan sa Egipto huli kan saiyang dakulang kapangyarihan.’”

Exodo 13:3

Sinabihan ni Moises an mga tawo, “Giromdoma nindo an aldaw na ini—an aldaw kan paghale nindo sa Egipto, an lugar na nag-oripon saindo. Iyo ini an aldaw na ilinuwas kamo nin Kagurangnan huli kan saiyang kapangyarihan. Dai kamo magkakan nin tinapay na igwa nin lebadura.

Exodo 13:9

An paggibo kaini sarong pagiromdom, arog sa sarong bagay na nakagakod sa saindong kamot o sa saindong angog; magpapagiromdom iyan sa saindo na magpadagos kamo sa pag-adal kan Togon nin Kagurangnan, huli ta ilinuwas niya kamo sa Egipto huli kan saiyang dakulang kapangyarihan.

Exodo 14:18

Sa oras na madaog ko sinda, maaaraman kan mga Egipcio na ako an Kagurangnan.”

Exodo 32:11

Alagad nakimaherak si Moises sa Kagurangnan na saiyang Dios asin nagsabi, “O Kagurangnan, tadaw ta maaanggot ka sa saimong banwaan, na saimong ilinigtas sa mga Egipcio sa paagi kan saimong dakulang kosog asin kapangyarihan?

Exodo 6:1

Dangan nagtaram an Kagurangnan ki Moises, “Mahihiling mo ngunyan kun ano an gigibohon ko sa hade. Mapipiritan siyang pahaleon an sakong banwaan. Talagang mapipiritan siyang isubol sinda paluwas sa saiyang daga.”

Exodo 6:6

Kaya sabihan mo an mga Israelita, ‘Ako an Kagurangnan; hahaleon asin papatalingkason ko kamo sa pang-ooripon kan mga Egipcio. Uunaton ko an sakong kamot tanganing padusahan sinda nin makuri asin ililigtas ko kamo.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Isaias 55:13

Embes kan mga tonok matalubo an mga kahoy na sipres; embes kan mga binit matalubo an mga marambong na kahoy. Ini an magigin sarong tanda na magdadanay sagkod lamang, sarong giromdom kan ginibo ko, an Kagurangnan.”

Isaias 64:4

Mayo pa nin siisay man na nakahiling o nakadangog dapit sa sarong Dios na arog saimo, na naggigibo nin siring na mga bagay para sa mga tawong minabugtak kan saindang paglaom saiya.

Jeremias 14:20

Nagkasala kami saimo, Kagurangnan; ikinukumpisal nyamo an samong mga kasalan asin an mga kasalan kan samong mga ginikanan.

Jeremias 32:10

Pinirmahan ko an kasuratan nin kabaklan saka sinelyohan; nagkua ako nin mga saksi asin an kwarta tinimbang ko.

Mga Panambitan 3:42

“Nagkasala kami saka nagtumang, asin dai mo kami pinatawad, O Kagurangnan.

Ezekiel 5:6

Alagad nagrebelde an Jerusalem tumang sa sakong mga togon asin nagpahiling na orog siyang masombikal ki sa mga nasyon sa palibot niya. Isinikwal kan Jerusalem an sakuyang mga togon asin dai kinuyog an sakong mga pagboot.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Lukas 15:21

Sinabihan kan aki an saiyang ama, ‘Ama ko, nagkasala ako sa Dios asin saimo. Bako na akong maninigo na apodon pang aki mo. Ibilang mo na sana akong saro kan saimong mga tinatandanan na trabahador.’

Lukas 18:13

Alagad an parasingil nin buhis na nakatindog sa harayo, dai nangangahas magtangad sa langit, kundi tinutumbok an saiyang daghan asin nagsasabi, ‘O Dios ko, kaheraki man ako na sarong parakasala!’

2 Corinto 1:10

Ilinigtas niya kami sa makuring pag-alaman asin ililigtas pa niya kami; siya an pinaglalaoman ming magliligtas samo giraray.

Deuteronomio 5:15

Giromdoma nindo na mga oripon kamo duman sa Egipto, asin ako, an Kagurangnan na saindong Dios, an nagligtas saindo huli kan sakong dakulang kapangyarihan saka kosog. Kaya ipinagboboot ko saindo na giromdomon nindo an Sabbath.