Daniel 9:11 - Marahay na Bareta Biblia

¹¹ Linapas kan bilog na Israel an saimong mga togon asin dai ninda dinangog an itinaram mo. Nagkasala kami tumang saimo, kaya dinarahan mo kami kan mga maldisyon na nasusurat sa Katogonan ni Moises, an saimong sorogoon.

Daniel 9:11 ပူးပေါင်းရင်းမြစ်များ

2 Mga Hade 18:12

Nangyari ini sa Samaria huli ta dai dinangog kan mga Israelita an Kagurangnan na saindang Dios; linapas ninda an saiyang tipan asin an gabos na pagboot ni Moises na sorogoon nin Kagurangnan. Habo sindang maghinanyog asin magkuyog.

2 Mga Hade 22:16

an mensaheng ini nin Kagurangnan: “An Jerusalem asin an mga nag-eerok digdi papadusahan ko kan gabos na maldisyon na nasusurat sa libro na binasa kan hade.

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 43:28

asin binasang-basang kan saimong mga pamayo an sakong santwaryo. Kaya pinabayaan kong mapahamak an Israel; itinugot kong pag-olog-ologon an sadiri kong banwaan.”

Jeremias 16:11

Dangan taraman mo sinda na an Kagurangnan nagsabi, ‘Nagtalikod sako an saindong mga ginikanan dangan nagsamba sinda saka naglingkod sa mga dios-dios. Binayaan ninda ako saka dai ninda kinuyog an sakong mga katukdoan.

Jeremias 2:29

Ano an reklamo mo? Tadaw ta nagrebelde ka sako?

Jeremias 30:14

Liningawan na kamo kan saindong ilusyon; dai na sinda nagmamakulog saindo. Huli ta tinawan ko kamo kan hampak nin sarong kaiwal, kan padusa nin sarong mayong herak na kalaban, huli ta dakula an saindong karatan asin kadakul kan saindong kasalan.

Jeremias 32:23

Alagad kan mag-abot sinda asin masakop an dagang ini, dai ninda kinuyog an mga pagboot mo, ni namuhay sosog sa saimong katukdoan. Dai ninda ginibo an arin man sa mga pagboot mo, kaya pinadarahan mo sinda kan gabos na kasakitan na ini.

Jeremias 40:3

asin ngunyan inotob niya an sinabi niya. An gabos na ini nangyari huli ta nagkasala an saimong banwaan tumang sa Kagurangnan saka dai ninda siya sinunod.

Jeremias 44:22

Sa mismong aldaw na ini, raot an saindong daga saka mayo nin nag-eerok. Nagin iyan sarong tanawon na nakakatakot, asin an ngaran kaiyan ginagamit kan mga tawo bilang sarong maldisyon, huli ta dai na natagalan nin Kagurangnan an saindong karatan saka makauuyam na mga gibo.

Jeremias 44:23

An karatan na ini ngunyan nag-abot saindo huli ta nagtutong kamo nin insenso sa mga dios-dios asin nagkasala tumang sa Kagurangnan sa paagi kan dai nindo pagkuyog kan gabos niyang pagboot.”

Jeremias 6:19

Paghinanyog, kinaban! An mga tawong ini dadarahan ko nin karatan, na bunga kan saindang mga plano; huli ta dai ninda dinangog an sakong mga tataramon asin isinikwal ninda an sakong katogonan.

Daniel 9:13

Itinao mo samo an gabos na padusa na sinasabi sa Katogonan ni Moises. Alagad maski ngunyan, O Kagurangnan na samong Dios, dai kami naghingowa na mapaogma ka sa paagi nin pagbakle sa samong mga kasalan o sa pagsunod kan saimong katotoohan.

Daniel 9:5

“Nagkasala kami, nagin maraot, naggibo kan sala. Isinikwal mi an ipinapagibo mo samo asin tinalikodan mi an ipinahiling mong tama.

Zacarias 1:6

Sa paagi kan sakong mga sorogoon, an mga propeta, an saindong mga ginikanan tinawan ko nin mga pagboot asin mga patanid, alagad dai ninda iyan pinahalagahan, kaya nagtios sinda bilang bunga kan dai ninda pagkuyog. Dangan nagbakle sinda asin nag-ako na ako, an Kagurangnan nin mga hukbo, iyo an nagpadusa sa sainda sosog sa maninigo sainda asin siring sa desisyon ko.’”

Zacarias 7:12

asin pinatagas an saindang mga puso. Huli ta habo nindang dangogon an katukdoan na ipinadara ko sa paagi kan mga propeta na nabuhay kaidtong panahon. Kaya naanggot ako nin marahay.

Zacarias 8:13

Mga taga Juda asin mga taga Israel, kaidto, kun igwa nin boot na maldisyonon an mga dayuhan minasabi sindang, ‘Umabot man logod saimo an parehong maldisyon na uminabot sa Juda asin sa Israel!’ Alagad ililigtas ko kamo, dangan masabi an mga dayuhan na idto, ‘Akoon mo logod an parehong bendisyon na uminabot sa Juda asin sa Israel!’ Kaya magmaisog kamo asin dai kamo matakot.”

Deuteronomio 8:20

Kun dai kamo magkuyog sa Kagurangnan, magagadan man kamo arog kan mga nasyon na saiyang roronoton sa pagdangadang nindo.