Daniel 8:5 - Marahay na Bareta Biblia

⁵ Mantang hinohorophorop ko an kahulogan kaini, igwa nin sarong lalaking kanding na nagdadalagan na nagtunga hale sa solnopan. Marikas nin marahay an pagdalagan kaini asin dai na nagduduta an saiyang mga bitis sa daga. Igwa siya nin sarong sungay sa pagultanan kan duwa niyang mata.

Daniel 8:5 ပူးပေါင်းရင်းမြစ်များ

Daniel 11:3

“Dangan matunga an sarong makosog na hade. Paghahadean niya an sarong dakulang imperyo asin gigibohon niya an anoman na saiyang mawoton.

Daniel 2:32

An payo kaiyan gibo sa pinong bulawan; an daghan saka an mga takyag gibo sa plata; an tulak saka habayan gibo sa bronse,

Daniel 2:39

An masunod saimo iyo an sarong imperyo na bakong arog kadakula kan saimong imperyo, pakatapos kaiyan iyo an ikatolo, sarong bronseng imperyo na maghahade sa bilog na daga.

Daniel 7:6

Mantang naghihiling ako, saro pang hayop an nagtunga. Nakakaagid ini sa sarong leopardo, alagad igwa ini nin apat na pakpak sa likod, na siring kan sa gamgam; igwa pa ini nin apat na payo. An lalawogon kaini naglaladawan nin awtoridad.

Daniel 8:21

An kanding iyo an kahadean nin Grecia, asin an sungay sa tahaw kan duwang mata kaiyan iyo an enot na hade.

Daniel 8:6

Dinalagan niya an lalaking karnero, na sakong nahiling na nagtitindog sa tampi kan salog, asin dinaguso sa bilog niyang kosog.

Daniel 8:8

Orog na nagin mapaabaw-abaw an kanding, alagad kan dakula nang marahay an saiyang kapangyarihan, nabari an saiyang sungay, asin sa lugar kaiyan may nagtungang apat na sungay, na an lambang saro nakaatubang sa ibang direksyon.