Daniel 8:25 - Marahay na Bareta Biblia

²⁵ Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Daniel 8:25 ပူးပေါင်းရင်းမြစ်များ

An Libro ni Job 34:20

Pwede sanang magadan nin hidali kun banggi an sarong tawo. Hahampakon nin Dios an mga tawo dangan nawawara sinda; mayo nin kapagalan na ginagadan niya an mga mapangyari.

Jeremias 48:26

Nagtaram an Kagurangnan, “Burata an Moab huli ta nagrebelde siya tumang sako. Magliligid siya sa sadiri niyang suka, asin pagngingisihan siya kan mga tawo.

Mga Panambitan 4:6

Mas orog an padusa sa sakong banwaan ki sa padusa sa mga taga Sodoma, na bigla sanang buminagsak huli kan kapangyarihan nin Dios.

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 11:45

Papatindogon niya an saiyang garo mga palasyong tolda sa pagultanan kan dagat asin bukid na natutugdokan kan Templo. Alagad magagadan siyang mayo nin saro duman na matabang saiya.”

Daniel 7:26

Dangan matukaw an langitnon na korte sa paghukom, sa paghale kan saiyang kapangyarihan, asin sa pagraot saiya sagkod lamang.

Daniel 7:8

Mantang minamaanan ko an mga sungay, nahiling kong nagtunga an sarong sadit na sungay sa kaibahan kan sampolo. Binulnot kan sadit na sungay an tolo sa sampolo. An sungay na ini igwa nin mga matang arog kan sa tawo, asin sarong ngoso na nagtataram nin kapalangkawan.

Daniel 8:11

Maski an Prinsipe kan langitnon na hukbo dai kaiyan ginalangan. Pinaontok kaiyan an aroaldaw na atang na idinolot sa Prinsipe, asin ginaba an Templo.

Daniel 9:25

Midbida kun siring asin sabota ini: Magpoon sa panahon na itao an pagboot na hirahayon an Jerusalem sagkod na umabot an pamayo na pinili nin Dios, maagi ngona an kwarenta y nuebeng taon. Hihirahayon giraray an Jerusalem. Magkakaigwa diyan nin mga tinampo saka makokosog na kudal, asin matindog iyan sa laog nin kwatro syentos treynta y kwatrong taon, alagad sarong panahon iyan nin kasakitan.

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

2 Tesalonica 2:3

Dai kamo magpadaya sa kiisay man sa anoman na paagi. Huli ta bago umabot an Aldaw na iyan mangyayari ngona an huring pagrebelde tumang sa Dios asin matunga ngona an Maraot na itinalaga sa impyerno.

2 Tesalonica 2:8

Dangan matunga an Maraot, alagad gagadanon siya kan hinangos kan Kagurangnan na Jesus asin tutunawon siya kan saiyang mamurawayon na pagpahiling sa oras nin saiyang pagdatong.

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 19:16

Nakasurat sa gubing saka hita niya an ngaran na ini: “Hade nin mga hade asin Kagurangnan nin mga kagurangnan.”