Daniel 8:21 - Marahay na Bareta Biblia

²¹ An kanding iyo an kahadean nin Grecia, asin an sungay sa tahaw kan duwang mata kaiyan iyo an enot na hade.

Daniel 8:21 ပူးပေါင်းရင်းမြစ်များ

Daniel 10:20

Nagsabi siya, “Aram mo kun tano ta nagdigdi ako saimo? Napadigdi ako tanganing ipahayag saimo an nasusurat sa Libro nin Katotoohan. Ngunyan, kaipuhan na magbalik ako asin labanan an anghel na nagsusurog sa Persia. Pakatapos kaiyan, matunga an anghel na nagsusurog sa Grecia. Mayo nin siisay man na makakatabang sako kundi si Miguel, an anghel na nagsusurog sa Israel.

Daniel 11:2

Ngunyan, sasabihon ko saimo an totoo.” Nagsabi an anghel, “Tolo pang hade an mamamayo sa Persia, na susunodon nin ikaapat na orog na magigin mayaman ki sa gabos sainda. Pag-abot kan panahon na orog na siyang mapangyari saka mayaman, aangaton niya an kahadean nin Grecia.

Daniel 11:3

“Dangan matunga an sarong makosog na hade. Paghahadean niya an sarong dakulang imperyo asin gigibohon niya an anoman na saiyang mawoton.

Daniel 2:39

An masunod saimo iyo an sarong imperyo na bakong arog kadakula kan saimong imperyo, pakatapos kaiyan iyo an ikatolo, sarong bronseng imperyo na maghahade sa bilog na daga.

Daniel 7:6

Mantang naghihiling ako, saro pang hayop an nagtunga. Nakakaagid ini sa sarong leopardo, alagad igwa ini nin apat na pakpak sa likod, na siring kan sa gamgam; igwa pa ini nin apat na payo. An lalawogon kaini naglaladawan nin awtoridad.

Daniel 8:20

“An lalaking karnero na nahiling mo na igwang duwang sungay, iyo an kahadean nin Media saka Persia.

Daniel 8:22

An apat na sungay na nagtunga pakatapos na mabari an enot na sungay iyo an apat na kahadean na magigin bunga kan pagkabanga kan nasyon, alagad bakong arog kakosog an mga iyan sa enot na kahadean.

Zacarias 9:13

An Juda gagamiton ko siring sa pana nin sarong soldados, asin an Israel arog sa mga bosog. An mga lalaki nin Sion gagamiton ko siring sa sarong espada, tanganing labanan an kalalakihan nin Grecia.”