Daniel 8:17 - Marahay na Bareta Biblia

¹⁷ Nagdolok sako si Gabriel asin nagtindog sa kataed ko. Natakot ako nin marahay kaya natumba ako sa daga. Nagsabi siya sako, “Aki nin tawo, saboton mo na an bisyon ipinapanongod sa kataposan kan kinaban.”

Daniel 8:17 ပူးပေါင်းရင်းမြစ်များ

Genesis 17:3

Nagdapa si Abram sa daga dangan nagtaram saiya an Dios,

Ezekiel 1:28

na igwa kan gabos na kolor kan bulalangaw. Iyo ini an nakakasulang liwanag na nagpapahiling kan kamurawayan nin Kagurangnan.

Ezekiel 2:1

Pakahiling ko kaini, nagdapa ako sa daga. Dangan nadangog ko an sarong tingog na nagsasabi, “Aki nin tawo, tumindog ka. Makikiolay ako saimo.”

Ezekiel 44:4

Dangan ipinag-iba ako kan lalaki sa atubangan kan Templo; sa trangkahan sa amihan kami nag-agi. Kan magmasid ako, nahiling kong napano an Templo kan kamurawayan nin Kagurangnan. Nagdapa ako sa daga.

Ezekiel 6:2

“Aki nin tawo, mag-atubang ka sa kabukidan nin Israel asin magpropesiya ka laban sainda.

Daniel 10:11

Nagsabi sako an anghel, “Daniel, namomotan ka nin Dios. Tumindog ka asin hinanyoga an sakong sasabihon. Ako an sinugo saimo.” Pakataram niya kaini, nagtatakig akong nagtindog.

Daniel 10:16

Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Daniel 11:27

An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Daniel 11:40

“Kun matatapos na an panahon kan hade nin Siria, masalakay saiya an hade nin Egipto, alagad lalabanan niya ini sa bilog niyang kosog; magamit siya nin mga karwahe, mga kabayo asin dakul na barko. Arog sa tubig nin baha, sasalakayon niya an dakul na nasyon.

Daniel 12:13

“Ika, Daniel, magin maimbod ka sagkod sa kataposan. Magagadan ka, alagad mabangon ka tanganing akoon an balos sa kataposan kan panahon.”

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 2:46

Dangan nagluhod sa daga si Hadeng Nebukadnezzar asin nagboot na mag-atang nin mga sakripisyo saka mga dolot ki Daniel.

Daniel 7:16

Dinolok ko an saro kan mga nagtitindog duman asin hinagad kong ipaliwanag niya an gabos na idto. Kaya sinabihan niya ako kan kahulogan kaidto.

Daniel 8:15

Naghingowa akong masabotan an kahulogan kan bisyon, kan biglang magtunga sa atubang ko an sarong nakakaagid sa tawo.

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Daniel 9:23

Kan saimong poonan an pakimaherak sa Dios, sinimbag ka niya. Namomotan ka niya, kaya napadigdi ako tanganing ipaabot saimo an simbag. Paghinanyog mantang ipinapaliwanag ko an bisyon.

Daniel 9:27

An pamayong iyan magibo nin sarong pusog na tipan sa dakul na banwaan sa laog nin pitong taon, asin kun makalihis na an kabanga kan panahon na iyan, ipapaontok niya an mga pag-atang saka pagdolot. Dangan ibubugtak sa pinakahalangkaw na lugar kan Templo an Makangirhat na Katakotan asin magdadanay iyan duman sagkod na magadan an nagbugtak kaiyan—sarong kagadanan na inandam nin Dios para saiya.”

Habakkuk 2:3

Isurat mo iyan, huli ta dai pa napapanahon tanganing maotob iyan. Alagad madali nang mag-abot an panahon, asin magkakatotoo an ipapahiling ko saimo. Pwedeng mahaloy nin kadikit an pag-abot kaiyan, alagad halaton mo; mangyayari iyan, asin dai iyan mapupugolan.

Mateo 17:8

Pagtingkalag ninda, mayo sindang nahiling kundi si Jesus sana.

Kapahayagan 1:17

Kan mahiling ko siya, garo gadan akong natumba sa pamitisan niya. Alagad dinutaan niya ako kan saiyang toong kamot saka sinabihan ako, “Dai ka matakot! Ako an enot asin an huri;

Kapahayagan 22:8

Ako, si Juan, an nakadangog saka nakahiling kan mga bagay na ini. Pakatapos kong madangog asin mahiling an mga ini, nagdapa ako sa pamitisan kan anghel na nagpahiling sako kan mga bagay na ini, tanganing sambahon siya.