Daniel 8:15 - Marahay na Bareta Biblia

¹⁵ Naghingowa akong masabotan an kahulogan kan bisyon, kan biglang magtunga sa atubang ko an sarong nakakaagid sa tawo.

Daniel 8:15 ပူးပေါင်းရင်းမြစ်များ

Isaias 9:6

Huli ta sarong aki an namundag sato! Sarong aking lalaki an itinao sato! Siya an satong magigin pamayo. Aapodon siyang, “Makangangalas na Parahatol,” “Makakamhan na Dios,” “Amang daing kataposan,” “Prinsipe nin Katoninongan.”

Daniel 10:16

Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Daniel 10:18

Pinugol niya giraray ako, asin namatean kong nagkosog ako.

Daniel 10:5

Nagtingkalag ako asin nahiling ko an sarong tawo na nakasulot nin gubing na lino saka may bulawan na habay.

Daniel 12:8

Nadangog ko an saiyang sinabi alagad dai ko nasabotan, kaya naghapot ako, “Kagurangnan, paano matatapos an gabos na ini?”

Daniel 7:13

Sa bisyon na ini sa pagkabanggi, nahiling ko an sarong garo tawo. Nagrarani siya sako, napapatos nin panganoron, asin nagduman siya sa danay na buhay, dangan ipinamidbid sa saiya.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:1

Kan ikatolong taon kan paghahade ni Belsazzar, nahiling ko an saro pang bisyon.

Daniel 8:19

Nagsabi siya, “Ipinapahiling ko saimo an magigin bunga kan kaanggotan nin Dios. An bisyon ipinapanongod sa panahon kan kataposan.

Zacarias 1:9

Hinapot ko siya, “Kagurangnan, ano an kahulogan kan mga kabayong ini?” Nagsimbag siya, “Ipapaliwanag ko an kahulogan ninda.

Mateo 13:36

Dangan binayaan ni Jesus an mga tawo asin naglaog sa harong. Nagrani saiya an mga disipulo asin nagsabi, “Paliwanagan man samo an kahulogan kan parabola kan mga doot sa oma.”

Mateo 24:15

“Mahihiling nindong mangyayari sa banal na lugar ‘An Makangingirhat na Katakotan,’ na sinabi ni Propeta Daniel.” (Saboton ini kan nagbabasa!)

Mateo 24:30

Dangan an tanda kan Aki nin Tawo matunga sa kalangitan; magtatangis an gabos na tawo, saka mahihiling nindang maabot an Aki nin Tawo na nasa ibabaw kan mga panganoron, may kapangyarihan asin dakulang kamurawayan.

Markos 13:14

“Mahihiling nindo ‘An Makangingirhat na Katakotan’ na nagtitindog sa lugar na dai niya dapat tindogan.” (Saboton ini kan nagbabasa!) “Idtong mga nasa Judea, kaipuhan magdulag pasiring sa kabubuldan.

Markos 4:12

tanganing ‘maski anong hiling ninda, dai sinda makakamaan, maski anong dangog ninda, dai sinda makakasabot; huli ta kun makahiling sinda asin makasabot, tibaad magbalik sinda sa Dios asin patawadon niya sinda.’”

Josue 5:14

“Bako ako maski arin sa sinabi mo,” an simbag kan lalaki. “Nagdigdi ako bilang pamayo kan hukbo nin Kagurangnan.” Nagdapa si Josue sa pagsamba asin nagsabi, “Sorogoon mo ako, kagurangnan. Ano an boot mong gibohon ko?”

Kapahayagan 1:13

Sa tahaw kan mga kandelero, nakatindog an garo tawong nakagubing nin halaba sagkod sa bitis asin may pahang bulawan sa saiyang daghan.

Kapahayagan 13:18

Nangangaipo ini nin kadonongan. An siisay man na madonong, masasabotan an kahulogan kan numero kan hayop, huli ta numero iyan nin sarong tawo. An numero kaiyan seis syentos sesenta y seis.