Daniel 8:10 - Marahay na Bareta Biblia

¹⁰ Orog na nagkosog an sadit na sungay sagkod na sinalakay kaini an hukbo nin langit, an mismong mga bitoon asin itinapok kaini an nagkapira sainda sa daga dangan tinimaktimakan.

Daniel 8:10 ပူးပေါင်းရင်းမြစ်များ

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Jeremias 48:26

Nagtaram an Kagurangnan, “Burata an Moab huli ta nagrebelde siya tumang sako. Magliligid siya sa sadiri niyang suka, asin pagngingisihan siya kan mga tawo.

Daniel 11:28

Mapuli an hade nin Siria dara an dakulang kayamanan na sinamsam niya, alagad raraoton niya ngona an relihiyon kan banwaan nin Dios. Gigibohon niya an nasa saiyang isip dangan mabalik siya sa sadiri niyang daga.

Daniel 11:30

Huli ta maabot an mga taga Roma sa paglaban saiya; madatong sindang nakasakay sa mga barko, asin matatakot siya. “Dangan mabalik siyang anggot nin marahay asin hihingowahon niya na mawara an relihiyon kan banwaan nin Dios. Susunodon niya an mga hatol kan mga nagbaya kan relihiyon na iyan.

Daniel 7:7

Mantang naghihiling pa ako, nagtunga an ikaapat na hayop. Makosog ini, makatatakot, asin makangingirhat. Rinonot kaini an saiyang mga biktima sa paagi kan darakulang lansang na ngipon, dangan tinimaktimakan. Napapalaen ini sa mga hayop na nagkaerenot; igwa ini nin sampolong sungay.

Daniel 8:7

Minasdan ko siyang sinasalakay an lalaking karnero. Anggot siyang marahay asin tinamaan niya an karnero na ikinabari kan duwang sungay kaini. Mayo nin kosog an karnero tanganing umatubang saiya, kaya nakatapok siya sa daga dangan natimaktimakan; mayo nin siisay man na pwedeng magligtas saiya.

Kapahayagan 12:4

Ginuyod niya kan saiyang ikog an ikatolong kabtang kan mga bitoon saka itinapok sa daga. Nagtindog siya sa atubangan kan babaeng madali nang mangaki, tanganing halonon an omboy pagkamundag kaiyan.