Daniel 7:6 - Marahay na Bareta Biblia

⁶ Mantang naghihiling ako, saro pang hayop an nagtunga. Nakakaagid ini sa sarong leopardo, alagad igwa ini nin apat na pakpak sa likod, na siring kan sa gamgam; igwa pa ini nin apat na payo. An lalawogon kaini naglaladawan nin awtoridad.

Daniel 7:6 ပူးပေါင်းရင်းမြစ်များ

Ezekiel 17:3

tanganing maaraman ninda an itinataram ko sainda, ako an Kagurangnan Dios: Igwa kaidto nin sarong dakulang agila na may magayon na mga balukag saka dakulang mga pakpak. Naglayog ini pasiring sa kabukidan nin Lebanon asin binari an poro kan sarong kahoy na sedro,

Daniel 10:20

Nagsabi siya, “Aram mo kun tano ta nagdigdi ako saimo? Napadigdi ako tanganing ipahayag saimo an nasusurat sa Libro nin Katotoohan. Ngunyan, kaipuhan na magbalik ako asin labanan an anghel na nagsusurog sa Persia. Pakatapos kaiyan, matunga an anghel na nagsusurog sa Grecia. Mayo nin siisay man na makakatabang sako kundi si Miguel, an anghel na nagsusurog sa Israel.

Daniel 2:39

An masunod saimo iyo an sarong imperyo na bakong arog kadakula kan saimong imperyo, pakatapos kaiyan iyo an ikatolo, sarong bronseng imperyo na maghahade sa bilog na daga.

Daniel 7:4

An enot nakakaagid sa sarong leon alagad igwa ini nin mga pakpak nin agila. Mantang naghihiling ako, natangkas an mga pakpak kan hayop. Dangan initaas an hayop asin pinatindog arog sa sarong tawo. Pakatapos, tinawan ini nin isip nin tawo.

Daniel 7:5

An ikaduwang hayop nakakaagid sa sarong oso na nagtitindog sa paagi kan mga bitis kaini sa hurihan. Igwa ining kagat-kagat na tolong gusok, asin sarong tingog an nagsabi sa hayop, “Lakaw asin kakana an karneng kaya mong kakanon!”

Oseas 13:7

Kaya sasalakayon ko kamo siring sa sarong leon. Arog sa sarong leopardo, hihipaan ko kamo sa aagihan nindo.

Kapahayagan 13:2

An nahiling kong hayop garo leopardo, an bitis garo sa oso, an ngoso garo sa leon. Itinao kan dragon sa hayop na ini an sadiri niyang kapangyarihan, trono saka an dakula niyang awtoridad.