Daniel 7:15 - Marahay na Bareta Biblia

¹⁵ Natikbahan ako sa mga bisyon na sakong nahiling, asin napurisaw ako nin marahay.

Daniel 7:15 ပူးပေါင်းရင်းမြစ်များ

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Jeremias 17:16

Alagad, Kagurangnan, dai ko hinagad saimo na padarahan mo sinda nin kasakitan. Dai ako nagmamawot nin panahon nin kahorasaan para sainda. Kagurangnan, naaaraman mo ini; naaaraman mo an sinabi ko.

Daniel 10:16

Dangan an sakong ngabil dinutaan kan anghel, na nakakaagid sa sarong lalaki, asin nakataram ako. Sinabihan ko siya, “Kagurangnan, pinapanluya ako kan bisyon na ini kaya dai ko napapaontok an sakong pagtakig.

Daniel 2:1

Sa ikaduwang taon kan paghahade ni Nebukadnezzar, nagkaigwa siya nin pangatorogan. Napurisaw siyang marahay kaya dai siya nangangatorog,

Daniel 2:3

sinabihan niya sinda, “Napupurisaw ako dapit sa sakong pangatorogan. Boot kong maaraman kun ano an kahulogan kaiyan.”

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:5

Alagad nagkaigwa ako nin sarong makatakot na pangatorogan asin nahiling ko an makangirhat na mga bisyon mantang nagkakatorog ako.

Daniel 7:1

Kan enot na taon kan paghahade ni Belsazzar nin Babilon, nagkaigwa ako nin pangatorogan asin nahiling ko an sarong bisyon sa pagkabanggi. Isinurat ko an pangatorogan, asin iyo ini an kasaysayan

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:2

Sa bisyon, nahiling ko an sakong sadiri sa laog kan kudal kan syudad nin Susa sa probinsya nin Elam. Nagtitindog ako sa tampi kan Salog nin Ulai,

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

2 Pedro 1:14

huli ta aram ko na dai na ako mahahaloy sa buhay na ini, siring sa ipinahayag sako ni Jesu-Cristo na satong Kagurangnan.