Daniel 6:8 - Marahay na Bareta Biblia

⁸ Kaya magpaluwas ka kaining pagboot, Mahal na Hade, asin pirmahan mo, tanganing dai maliwat, sosog sa togon kan mga taga Media asin mga taga Persia.”

Daniel 6:8 ပူးပေါင်းရင်းမြစ်များ

Esther 1:19

Kaya kun pagmarahayon kan Mahal na Hade, magpaluwas ka nin sarong pagboot na si Vasti dai na nanggad makaatubang sa hade. An pagboot na ini iiba mo sa mga katogonan kan Persia saka Media tanganing dai mabago. Dangan itao mo an saiyang katongdan bilang reyna sa sarong mas marahay na babae.

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 8:10

Isinurat ini sa ngaran kan hade saka sinelyohan kan saiyang singsing. An mga surat dinara kan mga sugo, na nakalunad sa maririkas na kabayong hale sa kwadra kan hade.

Esther 8:3

Nakiolay giraray si Esther sa hade; naghihibi siyang nagdapa sa pamitisan kaini. Nakimaherak siya sa hade na ontokon an maraot na planong ginibo kan Agageong si Haman laban sa mga Judio.

Esther 8:8

Alagad an sarong pagboot na pinaluwas sa ngaran kan hade asin sinelyohan kan singsing kan hade dai na pwedeng bawion. Alagad pwede kamong magsurat sa mga Judio kan boot nindong mangyari. Isurat nindo iyan sa ngaran ko asin selyohan nindo kan sakong singsing.”

Salmo 94:21

na nagmamawot nin maraot tumang sa mga matanos na tawo asin minakondenar sa kagadanan sa mga mayo nin kasalan?

Isaias 10:1

Herak man saindo na nagpapaluwas nin bakong matanos na mga pagboot; mga pagboot na minaapi sa sakong banwaan.

Daniel 5:28

PERES, binanga na an saimong kahadean asin itinao sa mga taga Media saka sa mga taga Persia.”

Daniel 6:12

nagduman sinda gabos sa hade tanganing isumbong si Daniel. Nagsabi sinda, “Mahal na Hade, bakong nagpirma ka nin sarong pagboot na sa laog nin treyntang aldaw an siisay man na maghagad nin anoman sa arin man na dios o tawo ihuhulog sa kalot na pano nin leon?” Nagsimbag an hade, “Iyo, sarong pagboot, sarong togon kan mga taga Media asin mga taga Persia, na dai pwedeng liwaton.”

Daniel 6:15

Dangan nagbalik an mga lalaki sa hade asin nagsabi, “Mahal na Hade, naaaraman mo na sosog sa mga togon kan mga taga Media saka mga taga Persia, dai pwedeng liwaton an arin man na pagboot na pinaluwas kan hade.”

Mateo 24:35

Mapapara an langit asin an daga, alagad an sakong mga tataramon dai nanggad mapapara.