Daniel 6:7 - Marahay na Bareta Biblia

⁷ Kami gabos na nagpapadalagan kan saimong imperyo—mga parapamahala, mga gobernador, mga bise-gobernador, asin iba pang mga opisyal—nagkasararo na an Mahal na Hade magpaluwas nin pagboot dangan ipaotob iyan. Magboot ka na sa laog nin treyntang aldaw dai itinutugot sa kiisay man na maghagad nin anoman sa arin man na dios o tawo kundi sa saimo sana. An siisay man na maglapas kan pagboot na ini ihuhulog sa kalot na pano nin mga leon.

Daniel 6:7 ပူးပေါင်းရင်းမြစ်များ

Salmo 10:9

siring sa sarong leon sa saiyang pinagtatagoan. Minahipa siya tanganing madakop an mga dukha; sinisiod niya sinda dangan ginuguyod sa harayo.

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Salmo 59:3

Naghihipa sinda sa paggadan sako; mariringis na tawo nagtitiripon tumang sako. Maski dai man ako nin kasalan o karatan,

Salmo 59:5

O Dios nin mga hukbo, O Dios nin Israel. Bumangon ka sa pagpadusa sa mga banwaan, dai ka maherak sa kiisay, man na parapasaluib.

Salmo 62:4

Boot sana nindong ibaba siya hale sa halangkaw niyang kamugtakan; ikinakaogma nindo an kaputikan. Nagbebendisyon kamo sa paagi kan saindong mga ngoso, alagad nagmamaldisyon sa saindong mga puso.

Salmo 83:5

Nagkakaoroyon sinda sa saindang plano; naggigibo nin tipan tumang saimo;

Salmo 94:20

Tutugotan mo daw na mag-apil saimo an mga maraot na hukom, na minabiko kan katanosan sa paagi nin mga pagboot,

Daniel 2:4

Nagsimbag sinda sa hade sa lengwaheng Arameo, “Mabuhay logod sagkod pa man an Mahal na Hade! Sabihan samo an saimong pangatorogan, asin ipapaliwanag mi iyan saimo.”

Daniel 3:11

asin an siisay man na dai maggibo kaini itatapok sa nagkakalayong horno.

Daniel 3:2

Dangan pinagbotan ni Hadeng Nebukadnezzar na magduman an gabos na opisyal—an mga prinsipe, gobernador, bise-gobernador, komisyonado, tesorero, hukom, pamayo nin banwaan, asin an gabos na ibang opisyal kan mga probinsya tanganing magtiripon sa pagkonsagra kan estatwa na pinatindog kan hade.

Daniel 3:27

Pinagtiriponan sinda kan gabos na prinsipe, gobernador, bise-gobernador, asin kan iba pang opisyal kan hade. Nahiling nindang daing kapangyarihan an kalayo sa hawak kan tolong lalaki; dai nasulo an saindang buhok saka gubing asin mayo nin parong nin kalayo na naghahale sa sainda.

Daniel 3:6

An siisay man na dai maggibo kaini, itatapok tolos sa nagkakalayong horno.”

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mikas 6:5

Banwaan ko, giromdoma an plano ni Hadeng Balak nin Moab sa saimo asin kun paano siya sinimbag ni Balaam na aking lalaki ni Beor. Giromdoma an mga pangyayari sa dalan magpoon sa kampo sa Sittim sagkod sa Gilgal. Giromdoma an mga bagay na ini asin maaaraman mo kun ano an ginibo ko tanganing iligtas ka.”

Nahum 2:12

Ginadan kan leon an saiyang biktima dangan pinedaso para sa saiyang agom saka mga ogbon; pinano niya an saiyang lungib nin mga pinedasong karne.

Mateo 12:14

Nagluwas an mga Fariseo asin nag-orolay kun paano ninda ikapagadan si Jesus.

Mateo 26:4

asin nagplano sindang hilom na dakopon si Jesus saka ipagadan.

Markos 15:1

Pagkaagang amay nagtiripon an mga poon na padi, an mga kamagurangan, an mga paratukdo kan Katogonan dangan an bilog na Konseho. Ginapos ninda si Jesus asin dinara ki Pilato.

Juan 12:10

Kaya nagplano an mga poon na padi na gadanon man si Lazaro,