Daniel 6:5 - Marahay na Bareta Biblia

⁵ Nag-orolay an mga ini, “Mayo kitang makukuang dahelan tanganing ikasumbong ta si Daniel pwera kun iyan dapit sa saiyang relihiyon.”

Daniel 6:5 ပူးပေါင်းရင်းမြစ်များ

Esther 3:8

Dangan nagsabi si Haman ki Hadeng Jerjes, “Igwa nin sarong rasa nin mga tawo na nakawarak sa bilog mong imperyo asin manunumpongan sa lambang probinsya. May sinusunod sindang mga kaugalean na iba kan sa ibang tawo, asin dai ninda kinukuyog an saimong mga katogonan. Mayo sinda nin ibubungang marahay sa saimo kun pabayaan mo sinda.

Salmo 37:32

Minamasdan kan maraot an tawong matanos asin hinihingowang magadan;

Jeremias 29:7

Magtrabaho kamo para sa karahayan kan mga syudad na pinadumanan ko saindo bilang mga bihag. Mamibi kamo sako para sainda, huli ta kun mag-uswag sinda, magigin mauswag man kamo.

1 Samuel 24:17

Nagsabi pa si Saul ki David, “Mas matanos ka ki sa sako. Ginibohan mo ako nin karahayan, mantang karatan an ginibo ko saimo!

1 Samuel 29:3

Nahiling sinda kan mga pamayo kan mga Filisteo asin naghapot, “Ano an ginigibo digdi kan mga Hebreyong iyan?” Nagsimbag si Akis, “Iyo ini si David na sarong opisyal ni Saul na hade nin Israel. Haloy na siyang nasa kaibahan ko asin mayo akong nakukuang sala saiya poon kan magdolok siya sako.”