Daniel 6:4 - Marahay na Bareta Biblia

⁴ Huli kaini pinagparahingowa kan ibang mga parapamahala saka kan mga gobernador na makakua nin ikakasumbong laban ki Daniel dapit sa saiyang pagpalakaw kan imperyo, alagad mayo sindang nakukua, huli ta maimbod si Daniel asin dai naggigibo nin sala o nandadaya.

Daniel 6:4 ပူးပေါင်းရင်းမြစ်များ

Genesis 41:38

kaya sinabihan niya sinda, “Makakakua pa daw kita nin arog ki Jose, na igwa kan espiritu nin Dios?”

Genesis 43:18

Mantang ipinag-iiba sinda sa harong, nagkatarakot sinda asin nagsaboot, “Ipinag-iba kami digdi huli kan kwartang ibinalik sa samong sako. Tibaad bigla ninda kaming salakayon, kuahon an samong mga asno asin gibohon na mga oripon.”

Mga Talinhaga 29:27

An tampalasan ikinakaongis kan matanos, asin an matanos ikinakaongis kan tampalasan.

Parahulit 4:4

Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Jeremias 18:18

Dangan nagsabi an mga tawo, “Magplano kita laban ki Jeremias. Danay na magkakaigwa nin mga padi na magtutukdo sato, mga madonong na maghuhulit sato, asin mga propeta na magpapahayag kan mensahe nin Dios. Idemanda ta siya asin dai na kita magdangog kan mga sinasabi niya.”

Jeremias 18:23

Alagad, Kagurangnan, naaaraman mo an gabos nindang plano tanganing gadanon ako. Dai mo patawadon an saindang karatan ni pagparaon an saindang kasalan. Pabayaan mong madaog sinda sa atubangan mo; gibohon mo ini sainda sa panahon nin saimong kaanggotan.”

Jeremias 20:10

Nadadangog kong naghihinghing an lambang saro, “An katakotan yaon sa gabos na lugar! Kaya isumbong ta siya sa mga awtoridad!” Maski an harani kong mga katood nagmamawot kan sakong kapahamakan. “Tibaad pwede siyang madaya,” an sabi ninda; “dangan madadakop saka mababalos ta siya.”

Jeremias 29:7

Magtrabaho kamo para sa karahayan kan mga syudad na pinadumanan ko saindo bilang mga bihag. Mamibi kamo sako para sainda, huli ta kun mag-uswag sinda, magigin mauswag man kamo.

Daniel 3:8

Kan panahon na idto, isinumbong kan nagkapirang taga Babilonia an mga Judio.

Daniel 5:12

Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mateo 26:4

asin nagplano sindang hilom na dakopon si Jesus saka ipagadan.

Mateo 27:18

Huli ta aram ni Pilato na dinara ninda si Jesus saiya dahel sa pagkaori.

Lukas 20:20

Kaya naghalat sinda nin ibang oportunidad na magibo iyan. Sinuholan ninda an nagkapirang tawo na magsagin-sagin, dangan isinubol an mga ini na pataluksohon si Jesus tanganing madara siya sa awtoridad asin kapangyarihan kan gobernador.

Lukas 20:26

Dai nanggad ninda napatalukso si Jesus sa mga sinabi niya sa atubang nin mga tawo. Napangalas sinda kan mga simbag niya, kaya dai sinda nakagirong.

Lukas 22:2

Naghanap nin paagi an mga poon na padi asin an mga paratukdo kan Katogonan kun paano ipagadan si Jesus, huli ta takot sinda sa mga tawo.

Juan 19:4

Nagluwas giraray si Pilato dangan nagsabi sainda, “Iaatubang ko giraray siya saindo tanganing ipahiling saindo na mayo akong nakukuang sala saiya.”

2 Corinto 11:12

Ipapadagos ko an ginigibo ko tanganing an mga apostol na iyan dai magkaigwa nin dahelan na makapag-orgulyo asin makapagsabi na nagtatrabaho man sinda siring kan pagtrabaho mi.

Filipos 2:15

tanganing dai kamo magkasala, kundi magin malinig asin mayong kaninan na mga aki nin Dios sa kinaban na pano nin mga tawong maraot asin tampalasan. Sa siring na paagi, magliliwanag kamo sa tahaw ninda siring sa mga bitoon na nagliliwanag sa langit,

1 Timoteo 5:14

Kaya boot ko pa na an mga hoben na babaeng balo magpaagom giraray, magkaigwa nin mga aki, saka mangataman kan saindang mga harong, tanganing dai matawan nin oportunidad an satong mga kaiwal sa pagpakaraot sato.

Tito 2:8

Gumamit ka nin mga marahay na tataramon na dai madidiskutir, tanganing masopog an mga kaiwal mo, huli ta dai sindang masasabing maraot dapit sato.

1 Pedro 2:12

Sa tahaw kan mga pagano mamuhay kamo nin marahay, tanganing kun isumbong ninda kamo na naggigibo nin maraot, mahorop-horop ninda an mga marahay nindong gibo, asin oomawon ninda an Dios sa Aldaw kan saiyang pagdatong.

1 Pedro 3:16

Alagad magin kamong mahuyo saka magalang sa pagsimbag nindo. Papagdanayon nindong malinig an saindong konsyensya, tanganing mapasopog an nagpapakaraot kan marahay nindong gawe bilang mga parasunod ni Cristo.

Hukom 14:4

Dai naisihan kan mga magurang ni Samson na pasabong idto nin Kagurangnan, huli ta naghahanap sana an Kagurangnan nin dahelan tanganing labanan an mga Filisteo. Kan panahon na idto, an mga Filisteo iyo an nakakasakop sa Israel.

1 Samuel 12:4

Nagsimbag an mga tawo, “Dai mo kami dinaya o inapi; mayo kang kinuang ano man sa kiisay man.”

1 Samuel 18:14

asin nagin mapanggana siya sa gabos niyang gibo, huli ta kaiba niya an Kagurangnan.

1 Samuel 22:14

Nagsimbag si Ahimelec, “Bakong si David an pinakamaimbod mong opisyal, an saimong manugang, pamayo kan saimong bantay, asin iginagalang kan gabos na yaon sa laog kan saimong harong?