Daniel 6:27 - Marahay na Bareta Biblia

²⁷ Nagliligtas siya, naggigibo nin mga ngangalasan asin mga milagro sa langit saka sa daga. Ilinigtas niya si Daniel sa kapangyarihan kan mga leon.”

Daniel 6:27 ပူးပေါင်းရင်းမြစ်များ

An Libro ni Job 36:15

Alagad tinutukdoan nin Dios an tawo sa paagi nin pagtios, asin ginagamit an kawaraan nin paglaom sa pagpahiling sainda kan katotoohan.

Salmo 145:13

An kahadean mo mayo nin kapinonan asin mayo nin kataposan, maghahade ka sagkod pa man. An Kagurangnan maimbod sa gabos niyang tataramon, asin maugayon sa gabos niyang gibo.

Salmo 18:48

asin ilinigtas niya ako sa sakuyang mga kaiwal. Kagurangnan, pinapanggana mo ako tumang sa sakuyang mga kaiwal, asin ilinigtas mo ako sa mga madahas na tawo.

Salmo 18:50

Darakulang panggana itinatao niya sa saiyang hade, danay na pagkamoot an ipinapahiling niya sa saiyang linahidan, ki David asin sa kapagarakian kaini sagkod pa man.

Salmo 32:7

Ika an sakong lugar na tagoan; iliniligtas mo ako sa kasakitan. Makosog akong nag-aawit kan saimong kaligtasan, huli ta ako saimong iniingatan.

Salmo 35:17

Sagkod nuarin ka magmamasid sana, Kagurangnan? Ligtasan ako sa saindang mga pagsalakay; sa mga leon na ini, ligtasan an sakong buhay!

Salmo 97:10

Namomotan nin Kagurangnan an naoongis sa karatan; inaataman niya an buhay kan saiyang mga banal; iliniligtas niya sinda sa kamot kan mga tampalasan.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 4:31

Mantang nagtataram pa an hade, sarong tingog hale sa langit an nagsabi, “Hadeng Nebukadnezzar, dangoga an sakong sasabihon! Hinale na sa saimo an saimong kahadean.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Juan 4:48

Sinabihan siya ni Jesus, “Kun dai kamo makahiling nin mga tanda asin mga ngangalasan dai kamo matubod.”

Mga Gibo 4:30

Unata an saimong kamot sa pagbolong, asin itugot mo sa ngaran kan saimong banal na Sorogoon na si Jesus na makagibo kami nin mga ngangalasan saka mga milagro.”

Hebreyo 2:4

Pinatunayan man iyan nin Dios sa paagi nin mga tanda, ngangalasan, manlaen-laen na milagro asin sa mga balaog na itinao nin Espiritu Santo sosog sa kabotan niya.

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”