Daniel 6:26 - Marahay na Bareta Biblia

²⁶ Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Daniel 6:26 ပူးပေါင်းရင်းမြစ်များ

Esdras 1:3

Ibahan logod kamo nin Dios, kamo gabos na saiyang banwaan. Magduman kamo sa Jerusalem asin hirahayon nindo an Templo nin Kagurangnan, an Dios nin Israel, na sinasamba sa Jerusalem.

Esdras 7:21

“Pinagbobotan ko an mga namamahala kan kayamanan sa probinsya sa ibong kan Salog nin Eufrates na itao tolos ki Esdras, an padi asin paratukdo kan Katogonan kan Dios nin langit, an gabos na hagadon niya,

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 146:10

An Kagurangnan hade sagkod pa man. An saimong Dios, O Sion, maghahade sa panahon na daing kasagkoran. Omawon an Kagurangnan!

Salmo 2:11

Maglingkod kamo na may pagkatakot sa Kagurangnan;

Salmo 29:10

An baha pinaghahadean nin Kagurangnan. An Kagurangnan hade sagkod pa man.

Salmo 42:2

Napapaha an kalag ko sa buhay na Dios. Nuarin ako makakarani asin makakahiling kan lalawogon nin Dios?

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Isaias 9:7

Padagos na mag-uuswag an saiyang paghahade asin danay na may katoninongan an saiyang kahadean. Maghahade siya bilang kasalihid ni Hadeng David. Ipapatugmad niya an saiyang kapangyarihan sa hustisya saka sa katanosan, magpoon ngunyan asin sagkod pa man. An Kagurangnan nin mga hukbo iyo an maigot na magibo kan gabos na ini.

Jeremias 10:10

Alagad ika, Kagurangnan, an totoong Dios, ika an Dios na buhay, an hade na mayo nin kataposan. Nagtatakig an kinaban kun ika naaanggot, dai natatagalan kan mga nasyon an saimong kaanggotan. (

Daniel 2:44

Sa panahon kan mga pamayong idto, matugdok an Dios nin langit nin sarong kahadean na daing kataposan. Dai nanggad iyan masasakop, alagad pupuhoon kaiyan an gabos na imperyo, asin magdadanay iyan sagkod lamang.

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 4:3

“Dakula nin marahay an mga ngangalasan na ipinahiling niya sato! Mapangyari nanggad an mga milagro na saiyang ginigibo. Sarong daing tapos na kahadean an saiyang kahadean; maghahade siya sagkod pa man.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 6:20

Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 7:14

Tinawan siya nin awtoridad, onra saka kapangyarihan na maghade, tanganing paglingkodan siya kan mga tawo sa gabos na nasyon, rasa asin lengwahe. Magdadanay an saiyang awtoridad, asin mayo nin kataposan an saiyang kahadean.

Daniel 7:27

An kapangyarihan saka kadakulaan kan gabos na kahadean sa daga itatao sa mga banal kan Kahorohalangkaweng Dios asin magigin mayong tapos an saindang kapangyarihan sa paghade, patin paglilingkodan saka kukuyogon sinda kan gabos na pamayo.”

Oseas 1:10

An mga taga Israel magigin siring kadakul sa baybay kan dagat, na dai pwedeng takadon o bilangon. Ngunyan sinasabihan sinda nin Dios, “Bako ko na kamong banwaan,” alagad maabot an aldaw na sasabihan niya sinda, “Kamo an mga aki kan Dios na buhay!”

Malakias 3:6

“Ako an Kagurangnan, asin dai ako nagliliwat. Kaya kamo, an mga kapagarakian ni Jacob, dai pa napupuho.

Mateo 6:13

Hare kami pabayae na madaog nin sogot, alagad agawon mo kami sa maraot.’

Lukas 1:33

Maghahade siya sa kapagarakian ni Jacob sagkod lamang; an saiyang kahadean mayo nin kataposan!”

Lukas 12:5

Alagad papatanidan ko kamo kun siisay an dapat nindong katakotan: matakot kamo sa Dios huli ta pakatapos na magbawe nin buhay, may kapangyarihan pa siya na magtapok sa impyerno! Sinasabihan ko kamo, siya an dapat katakotan.

Mga Gibo 17:25

Dai man siya nangangaipo nin anoman na bagay na ikakatao nin tawo sa paglingkod saiya, huli ta siya ngani an nagtatao nin buhay saka hinangos, asin nin gabos na bagay sa gabos na tawo.

Roma 9:26

Sa mismong lugar na pinagsabihan sainda, ‘Bako ko kamong banwaan;’ duman sinda aapodon na ‘mga aki kan buhay na Dios.’”

Deuteronomio 5:26

Huli ta siisay an tawong padagos nang nabuhay arog sato, pakatapos na madangog niyang magtaram hale sa kalayo an buhay na Dios?

1 Tesalonica 1:9

huli ta sinda mismo an nagbabareta kun paano nindo kami inako kan dalawon mi kamo; kun paano an pagtalikod nindo sa mga dios-dios tanganing makapaglingkod kamo sa totoo saka buhay na Dios,

Hebreyo 12:29

huli ta an satong Dios garo kalayong nanghahalon.

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 4:10

an beynte y kwatrong kamagurangan minaluhod dangan minasamba sa atubang kan nagtutukaw sa trono, na nabubuhay sagkod pa man. Ibinubugtak ninda sa atubangan kan trono an saindang mga korona saka minaawit:

Kapahayagan 5:14

An apat na buhay na linalang nagsimbag, “Amen!” Dangan an mga kamagurangan nagdapa saka nagsamba saiya.

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.