Daniel 6:25 - Marahay na Bareta Biblia

²⁵ Dangan nagsurat si Hadeng Dario sa mga banwaan sa gabos na nasyon, rasa, asin lengwahe sa daga: “An katoninongan mapasaindo!

Daniel 6:25 ပူးပေါင်းရင်းမြစ်များ

Esdras 4:17

Ipinadara kan emperador an simbag na ini: “Para ki Rehum na gobernador, ki Simsai na sekretaryo kan probinsya, asin sa saindang mga kairiba na nag-eerok sa Samaria asin sa gabos na nasa Solnopan kan Salog nin Eufrates, an sakong pangongomusta.

Esther 3:12

Kaya kan ikatreseng aldaw kan enot na bulan, ipinaapod an mga sekretaryo kan hade. Isinurat kan mga ini an gabos na pagboot ni Haman para sa mga pamayo saka mga gobernador kan mga probinsya asin para sa mga opisyal sosog sa paagi nin pagsurat kan lambang probinsya asin sosog sa lengwahe kan lambang tawo. Ginibo an surat sa ngaran ni Hadeng Jerjes asin sinelyohan kan singsing niya.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Esther 8:9

Kan ikabeynte y tres na aldaw kan ikatolong bulan, an bulan nin Sivan, ipinaapod an mga sekretaryo kan hade. Sinurat ninda an gabos na pagboot ni Mardokeo para sa mga Judio, sa mga gobernador, mga administrador, asin para sa mga opisyal kan syento beynte y syeteng probinsya na minapoon sa India sagkod sa Etiopia. An pagboot na ini sinurat sosog sa paagi nin pagsurat kan lambang probinsya asin sosog sa lengwahe kan lambang tawo. An surat sa mga Judio sosog man sa sadiri nindang paagi nin pagsurat saka lengwahe.

Salmo 7:15

Alagad sa mga kalot na inaandam niya para sa iba, an nahuhulog siya man sana.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Mga Talinhaga 11:8

An matanos iliniligtas sa kasakitan, alagad sa maraot minahugpa iyan.

Daniel 3:4

sarong parabareta an nagpahayag sa makosog na tingog, “Mga banwaan kan gabos na nasyon, rasa, asin mga lengwahe!

Daniel 4:1

Ini an mensaheng ipinadara ni Hadeng Nebukadnezzar sa mga banwaan, kan gabos na nasyon, rasa, asin lengwahe sa bilog na daga: “An katoninongan mapasaindo!

Deuteronomio 19:19

itatao saiya an padusa na dapat kuta nang itao sa saiyang kapwa. Sa siring na paagi, mahahale an karatan na iyan sa tahaw nindo.

1 Pedro 1:2

Pinili kamo nin Dios Ama siring sa plano niya kaidto pa, asin kinonsagra kamo kan saiyang Espiritu tanganing magkuyog kamo ki Jesu-Cristo saka malinigan kamo kan saiyang dugo. Mapasaindo logod an nagsusupay na biyaya asin katoninongan.

2 Pedro 1:2

Magsupay logod saindo an biyaya asin an katoninongan huli kan saindong pakamidbid sa Dios asin ki Jesus na satong Kagurangnan.

Judas 1:2

Mag-orog logod diyan saindo an pagkaherak, katoninongan saka pagkamoot.