Daniel 6:24 - Marahay na Bareta Biblia

²⁴ Dangan nagboot an hade na dakopon an mga lalaking nagsumbong ki Daniel, asin ihinulog sinda kaiba an saindang mga agom saka kaakian sa kalot na pano nin mga leon. Dai pa ngani sinda nagduduta sa salog kan kalot, pinag-aragawan na sinda kan mga leon asin binarari an saindang mga tolang.

Daniel 6:24 ပူးပေါင်းရင်းမြစ်များ

2 Mga Hade 14:6

Alagad dai niya ipinagadan an mga aki ninda, kundi sinunod niya an pagboot nin Kagurangnan sa katogonan ni Moises: “An mga magurang dai gagadanon para sa kasalan na ginibo kan saindang mga aki, ni an mga aki para sa kasalan na ginibo kan saindang mga magurang. An sarong tawo gagadanon para sa kasalan na siya nanggad an naggibo.”

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

Esther 9:25

Alagad nagduman si Esther sa hade asin nagpaluwas an hade nin nasusurat na mga pagboot na gibohon ki Haman an maraot na plano kaini laban sa mga Judio. Binitay siya saka an saiyang mga aking lalaki.

Salmo 54:5

Babalosan niya nin karatan an sakuyang mga kaiwal; huli ta siya maimbod, sinda saiyang tutunawon.

Mga Talinhaga 11:8

An matanos iliniligtas sa kasakitan, alagad sa maraot minahugpa iyan.

Mga Talinhaga 19:9

An putikon na saksi papadusahan asin an nagpuputik mapapahamak.

Isaias 38:13

Bilog na banggi akong nag-agrangay huli sa kulog, na garong pinagbabari nin sarong leon an sakong mga tolang. Naghona ako na tataposon na nin Dios an sakong buhay.

Jeremias 34:17

Kaya ako, an Kagurangnan, nagsasabi na nagsuway kamo sako; dai nindo itinao sa kapwa nindo Israelita an saindang katalingkasan. Huli kaini, itatao ko saindo an katalingkasan: an katalingkasan na magadan sa gera, peste, asin gutom. Gigibohon ko kamong sarong katakotan sa gabos na nasyon sa kinaban.

Daniel 3:22

Huli ta maigot an pagboot na itinao kan hade na initon nin marahay an horno, nagkasurulo an mga lalaking nagtapok kan tolo sa horno.

Deuteronomio 24:16

“An mga magurang dai dapat paggadanon huli sa kasalan kan saindang mga aki; an mga aki dai dapat paggadanon huli sa kasalan kan saindang mga magurang. An sarong tawo gagadanon huli sa kasalan na siya nanggad an nakaginibo.