Daniel 6:20 - Marahay na Bareta Biblia

²⁰ Pag-abot niya duman, may kahandalan na nag-apod siya, “Daniel, sorogoon kan buhay na Dios! Ikinaligtas ka sa mga leon kan saimong Dios na maimbod mong pinaglilingkodan?”

Daniel 6:20 ပူးပေါင်းရင်းမြစ်များ

Genesis 18:14

May imposible daw sa Kagurangnan? Siring sa itinaram ko, pakalihis nin siyam na bulan ngunyan, mabalik ako asin si Sara mangangaki nin lalaki.”

1 Mga Cronica 16:11

Hanapa nindo an Kagurangnan asin an saiyang tabang; danay na sambahon nindo siya.

Salmo 119:112

Idinudusay ko an sakong puso sa pagkuyog kan saimong mga katogonan sagkod sa aldaw nin sakong pagkagadan.

Salmo 146:2

Oomawon ko siya mantang ako buhay; aawitan ko an sakong Dios sa bilog kong buhay.

Salmo 73:23

Alagad padagos akong nasa kaibahan mo, asin kinaptan mo an too kong kamot.

Jeremias 32:17

“O Kagurangnan Dios, ginibo mo an kalangitan asin an daga huli kan dakula mong kapangyarihan saka kosog; mayo nin dipisil para saimo.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 3:17

Kun an Dios na samuyang pinaglilingkodan makakaligtas samo sa nagkakalayong horno asin sa saimong kapangyarihan, ililigtas niya kami.

Daniel 6:16

Kaya nagboot an hade na dakopon si Daniel asin ihulog sa kalot na pano nin leon. Sinabihan kan hade si Daniel, “Iligtas ka logod kan saimong Dios, na maimbod mong pinaglilingkodan.”

Daniel 6:19

Dangan, sa pag-alagaag kan aldaw, nagbangon an hade asin hidaling nagduman sa kalot.

Daniel 6:26

Nagboboot ako na saen man sa sakong imperyo, kaipuhan katakotan asin galangan kan gabos an Dios ni Daniel. “Siya an buhay na Dios, asin maghahade siya sagkod lamang. Dai nanggad mararaot an saiyang kahadean, asin dai nanggad magkakaigwa nin kataposan an saiyang kapangyarihan.

Daniel 6:27

Nagliligtas siya, naggigibo nin mga ngangalasan asin mga milagro sa langit saka sa daga. Ilinigtas niya si Daniel sa kapangyarihan kan mga leon.”

Oseas 12:6

Kaya ngunyan, kamong mga kapagarakian ni Jacob, magsarig kamo sa saindong Dios, asin magbalik kamo saiya. Magin maimbod kamo saka matanos, asin maghalat kamo na may pakatios sa saindong Dios.

Mga Bilang 11:23

Tinaraman nin Kagurangnan si Moises, “Igwa daw nin kasagkoran an sakong kapangyarihan? Mahihiling mo ngunyan kun mangyayari an sakong itinaram o dai!”

Lukas 1:37

huli ta mayo nin imposible sa Dios.”

Lukas 18:1

Dangan nag-osipon sainda si Jesus nin sarong parabola, tanganing tukdoan sinda na danay na mamibi asin dai mahalean nin paglaom.

Mga Gibo 6:4

tanganing an bilog nyamong panahon magamit mi sa pagpamibi saka sa paghulit kan tataramon.”

Roma 2:7

An mga tawong padagos na naggigibo nin marahay, saka naghahanap nin kamurawayan, nin kaomawan asin buhay na daing kagadanan, tatawan nin Dios nin buhay na daing kataposan.

2 Corinto 1:10

Ilinigtas niya kami sa makuring pag-alaman asin ililigtas pa niya kami; siya an pinaglalaoman ming magliligtas samo giraray.

Colosas 4:2

Magdanay kamo sa pagpamibi. Magpuka kamo sa pagpamibi na may pasasalamat.

2 Timoteo 1:12

iyan an dahelan kaya nagtitios ako kan mga bagay na ini. Alagad dai ako nasosopog huli ta midbid ko an sakong tinutubod, asin naniniwala ako na iingatan niya sagkod sa huring Aldaw an ipinaniwala niya sakuya.

Hebreyo 7:25

Ngunyan asin sa gabos na oras, ikakaligtas niya an mga minadolok sa Dios sa paagi niya, huli ta nabubuhay siya sagkod lamang tanganing makimaherak sa Dios para sainda.

Santiago 1:25

Alagad an tawong nagsisiyasat kan totoong katogonan, na iyo an nagtatao nin katalingkasan, dangan danay na inaadalan iyan—na bako sanang paradangog na malilingawon kundi paragibo man—an siring na tawo bebendisyonan nin Dios sa saiyang gibo.

Judas 1:24

Pag-omawon siya na makakaingat saindo sa pagkahulog, asin makakadara saindo na malinig asin maogma sa atubang nin saiyang kamurawayan,