Daniel 6:15 - Marahay na Bareta Biblia

¹⁵ Dangan nagbalik an mga lalaki sa hade asin nagsabi, “Mahal na Hade, naaaraman mo na sosog sa mga togon kan mga taga Media saka mga taga Persia, dai pwedeng liwaton an arin man na pagboot na pinaluwas kan hade.”

Daniel 6:15 ပူးပေါင်းရင်းမြစ်များ

Esther 8:8

Alagad an sarong pagboot na pinaluwas sa ngaran kan hade asin sinelyohan kan singsing kan hade dai na pwedeng bawion. Alagad pwede kamong magsurat sa mga Judio kan boot nindong mangyari. Isurat nindo iyan sa ngaran ko asin selyohan nindo kan sakong singsing.”

Daniel 6:12

nagduman sinda gabos sa hade tanganing isumbong si Daniel. Nagsabi sinda, “Mahal na Hade, bakong nagpirma ka nin sarong pagboot na sa laog nin treyntang aldaw an siisay man na maghagad nin anoman sa arin man na dios o tawo ihuhulog sa kalot na pano nin leon?” Nagsimbag an hade, “Iyo, sarong pagboot, sarong togon kan mga taga Media asin mga taga Persia, na dai pwedeng liwaton.”

Daniel 6:8

Kaya magpaluwas ka kaining pagboot, Mahal na Hade, asin pirmahan mo, tanganing dai maliwat, sosog sa togon kan mga taga Media asin mga taga Persia.”