Daniel 6:12 - Marahay na Bareta Biblia

¹² nagduman sinda gabos sa hade tanganing isumbong si Daniel. Nagsabi sinda, “Mahal na Hade, bakong nagpirma ka nin sarong pagboot na sa laog nin treyntang aldaw an siisay man na maghagad nin anoman sa arin man na dios o tawo ihuhulog sa kalot na pano nin leon?” Nagsimbag an hade, “Iyo, sarong pagboot, sarong togon kan mga taga Media asin mga taga Persia, na dai pwedeng liwaton.”

Daniel 6:12 ပူးပေါင်းရင်းမြစ်များ

Esther 1:19

Kaya kun pagmarahayon kan Mahal na Hade, magpaluwas ka nin sarong pagboot na si Vasti dai na nanggad makaatubang sa hade. An pagboot na ini iiba mo sa mga katogonan kan Persia saka Media tanganing dai mabago. Dangan itao mo an saiyang katongdan bilang reyna sa sarong mas marahay na babae.

Daniel 6:15

Dangan nagbalik an mga lalaki sa hade asin nagsabi, “Mahal na Hade, naaaraman mo na sosog sa mga togon kan mga taga Media saka mga taga Persia, dai pwedeng liwaton an arin man na pagboot na pinaluwas kan hade.”

Daniel 6:8

Kaya magpaluwas ka kaining pagboot, Mahal na Hade, asin pirmahan mo, tanganing dai maliwat, sosog sa togon kan mga taga Media asin mga taga Persia.”

Mga Gibo 16:19

Kan maaraman kan saiyang mga kagurangnan na mayo na an saindang pagkakakwartahan, dinakop ninda si Pablo saka si Silas dangan ginuyod sinda sa atubang kan mga awtoridad sa tahaw kan plasa.

Mga Gibo 16:24

Kaya sosog sa pagboot, ilinaog sinda kan bantay sa pinakalaog na selda, saka ilinaog an mga bitis ninda sa luho kan duwang magabat na kahoy.