Daniel 5:7 - Marahay na Bareta Biblia

⁷ Nagkurahaw an hade na darahon duman an mga salamangkero, mga madonong saka mga astrologo. Paglaog kan mga ini, sinabihan sinda kan hade, “An siisay man na makabasa kaining nakasurat asin makasabi sako kan kahulogan kaiyan, gugubingan nin purpura, magsusulot nin kulintas na bulawan, asin magigin ikatolo sa kapangyarihan sa kahadean.”

Daniel 5:7 ပူးပေါင်းရင်းမြစ်များ

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Esther 3:1

Pakatapos kan mga pangyayaring ini, ilinangkaw ni Hadeng Jerjes sa katongdan si Haman na aking lalaki ni Hammedata, na sarong Agageo. Ginibo niya ining pangenot na ministro.

Exodo 7:11

Dangan ipinaapod kan hade an mga tawong madodonong asin an mga salamangkero kan Egipto, na huli kan saindang tagong kadonongan naarog ninda an ginibo ni Aaron.

Mga Talinhaga 1:9

huli ta iyan nakakaagid sa sarong magayon na korona sa saimong payo asin kulintas sa saimong liog.

Awit nin mga Awit 1:10

Magayon an saimong buhok sa ibabaw kan saimong pisngi, asin minalaylay sa saimong liog arog sa mga samno.

Isaias 47:13

Mayo ka nin nagiginibo maski kadakul na kan hatol saimo. Padoloka an saimong mga astrologo asin magpatabang ka sainda— sinda na nag-aadal kan mga bitoon, na naggigibo nin mapa kan kalangitan asin nagsasabi saimo bulan-bulan kun ano an mangyayari saimo.

Jeremias 50:35

Nagsasabi an Kagurangnan, “Kagadanan para sa Babilonia! Kagadanan para sa namamanwaan niya, sa saiyang mga pamayo, asin sa saiyang madonong na mga lalaki.

Ezekiel 16:11

Sinulotan taka nin mga alahas—mga pulseras asin mga kulintas.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Daniel 1:4

Kaipuhan na gwapo an mga ini, madonong, may pakasabot, madaling makanood, asin mayo nin kaninan, tanganing maninigo sindang maglingkod sa palasyo. Si Aspenaz iyo an matukdo sainda sa pagbasa asin sa pagsurat kan lengwahe kan mga taga Babilonia.

Daniel 2:2

Kaya ipinaapod niya an mga parahula, mga salamangkero asin mga madonong tanganing ipaliwanag ninda saiya an pangatorogan. Kan mag-atubang sinda sa hade,

Daniel 2:27

Nagsimbag si Daniel, “Mahal na Hade, mayo nin madonong, salamangkero, parahula, o astrologo na makakapagsabi saimo kaiyan.

Daniel 2:48

Dangan tinawan niya si Daniel nin halangkaw na katongdan saka kadakul na regalo, asin ibinugtak niya ining pamayo kan bilog na probinsya nin Babilon saka pamayo kan gabos na parahatol kan hade.

Daniel 2:6

Alagad kun masabi nindo an sakong pangatorogan dangan an kahulogan kaiyan, tatawan ko kamo nin mga regalo asin dakulang onra. Ngunyan, sabihan nindo sako kun ano an sakong pangatorogan asin an kahulogan kaiyan.”

Daniel 4:14

Nagpahayag siya sa makosog na tingog, ‘Paloda an kahoy asin purutola an mga sanga kaiyan; rapgosa nindo an mga dahon dangan warakan an mga bunga kaiyan. Pahalea nindo an mga hayop sa irarom kaiyan asin an mga gamgam sa mga sanga.

Daniel 5:11

Igwa nin sarong lalaki sa saimong kahadean na igwa kan espiritu kan banal na mga dios. Kan an saimong ama iyo pa an hade, ipinahiling kan lalaking ini an marahay na kaisipan, pakaaram asin kadonongan arog kan kadonongan kan mga dios. Ginibo siyang pamayo kan mga parahula, salamangkero, madonong saka mga astrologo ni Hadeng Nebukadnezzar, na saimong ama.

Daniel 5:15

Dinara na digdi sako an mga parahatol saka mga salamangkero tanganing basahon ining nasusurat dangan taraman ako kun ano an kahulogan kaiyan, alagad dai ninda ikinapaliwanag.

Daniel 5:16

Alagad nadangog kong nakakatao ka nin mga paliwanag asin nakakapahayag nin mga misteryo. Kun mabasa mo ining nasusurat dangan masabi mo sako an kahulogan kaiyan, gugubingan ka nin purpura, magsusulot nin bulawan na kulintas, asin magigin ikatolo ka sa kapangyarihan sa kahadean.”

Daniel 5:29

Dangan pinagbotan ni Belsazzar, an saiyang mga sorogoon na gubingan si Daniel nin purpura, asin sulotan nin bulawan na kulintas. Pakatapos, ginibo niya ining ikatolo sa kapangyarihan sa kahadean.

Mga Bilang 22:17

Babayadan taka nin mahal asin gigibohon ko an ano man na sabihon mo sako. Dumigdi ka asin maldisyonon mo an mga tawong ini.”

Mga Bilang 22:7

Kaya naglakaw an mga lider kan Moab asin Midian dara an bayad para sa pagmaldisyon. Nagduman sinda ki Balaam asin sinabi ninda saiya an mensahe ni Balak.

Mga Bilang 24:11

Puli na saindo. Nanuga akong babayadan taka nin mahal alagad inolang ka nin Kagurangnan na makamtan an kayamanan.”

1 Samuel 17:25

Nagsarabi an mga Israelita, “Hilinga siya! Dangoga an saiyang pag-angat! Nangako si Hadeng Saul na tatawan nin dakulang premyo an siisay man na makagadan ki Goliat; itatao man kan hade sa makagadan an saiyang aking babae tanganing magin agom, asin dai na papabayadon nin buhis an saiyang pamilya.”