Daniel 5:6 - Marahay na Bareta Biblia

⁶ Nanlongsi an hade asin natakot nin marahay kaya nagtakig an saiyang mga tuhod.

Daniel 5:6 ပူးပေါင်းရင်းမြစ်များ

Salmo 22:14

Siring sa tubig kosog ko inuula, asin naggigirilo-gilo gabos kong mga tulang; an sakuyang puso siring sa taro, na natutunaw sa sakong daghan.

Salmo 69:23

Dumiklom logod an saindang mga mata asin mabuta; danay logod na magkubog-kubog an saindang mga tuhod.

Isaias 35:3

Pakosoga an mga kamot na napapagal asin an mga tuhod na nagtatakig sa kaluyahan.

Isaias 5:27

Mayo nin napapagal sa sainda; mayo nin natutumba. Mayo nin nagtutungka o nagkakatorog. Mayong habay na haluga; mayong gakod nin sandalyas na putol.

Jeremias 50:43

Nabaretaan na kan hade nin Babilonia an manongod sa sainda, asin nanluluya siya. Bigla siyang nakamate nin kulog, kulog na arog sa namamatean nin sarong babae na madali nang mangaki.

Ezekiel 21:7

Kun hapoton ka ninda kun tadaw ta nag-aagrangay ka, sabihan mo sinda na ginigibo mo iyan huli kan baretang maabot. Pag-abot kaiyan, matutunaw sa takot an saindang puso, manluluya an saindang mga kamot, mawawara an saindang kosog asin tatakigan an saindang mga tuhod. Nag-abot na an panahon asin uya na.” An Kagurangnan Dios an nagtaram.

Ezekiel 7:17

Magigin maluya an saindang mga kamot asin tatakigan an saindang mga tuhod.

Daniel 2:1

Sa ikaduwang taon kan paghahade ni Nebukadnezzar, nagkaigwa siya nin pangatorogan. Napurisaw siyang marahay kaya dai siya nangangatorog,

Daniel 3:19

Namula an lalawogon ni Nebukadnezzar sa labi-labing kaanggotan ki Sadrak, Mesak, asin ki Abednego. Kaya pinagbotan niya an saiyang mga tawohan na initon an horno nin makapitong beses ki sa dati.

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:5

Alagad nagkaigwa ako nin sarong makatakot na pangatorogan asin nahiling ko an makangirhat na mga bisyon mantang nagkakatorog ako.

Daniel 5:5

Kan oras man sanang idto, may sarong kamot nin tawo na tuminunga asin nagpoon magsurat sa lanob kan palasyo, sa lugar na orog na naliliwanagan kan mga ilaw. Nahiling kan hade an kamot mantang nagsusurat ini.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Nahum 2:10

An Nineve raot na, binayaan na nin tawo, asin mamondo! Nanluluya na sa takot an mga puso; nagtatakig an mga tuhod, mayo na an kosog; nanlolongsi an mga lalawogon.

Hebreyo 12:12

Kaya iitaas nindo an mga maluya nindong kamot asin pakosogon an mga pinanluluya nindong mga tuhod.