Daniel 5:23 - Marahay na Bareta Biblia

²³ kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 5:23 ပူးပေါင်းရင်းမြစ်များ

Genesis 14:19

Benendisyonan ni Melkizedek si Abram na an sabi, “Bendisyonan logod si Abram kan Kahorohalangkaweng Dios, na kaggibo kan langit asin daga!

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

2 Mga Hade 14:10

Naghahambog ka ngunyan, Amazias, huli ta nadaog mo an mga Edomita. Magmuraway ka sa saimong kabantogan asin mag-erok ka sa saimong harong. Tano ta naghahanap ka nin ribok na marumpag saimo kaiba an bilog na Juda?”

An Libro ni Job 12:10

Yaon sa Dios an buhay kan lambang linalang, asin an hinangos kan gabos na tawo.

An Libro ni Job 31:4

Bakong hinihiling niya an sakong mga dalan, asin binibilang an sakong mga lakad?

Salmo 104:29

Kun minatalikod ka, nahahandal sinda; kun hinahale mo an saindang hinangos, nagagadan sinda asin minabalik sa alpog na saindang ginikanan.

Salmo 115:16

An langit sadiri nin Kagurangnan, alagad an daga itinao niya sa katawohan.

Salmo 139:3

Hinihiling mo kun ako minalakaw o minahigda; aram mo an gabos kong mga gibo.

Salmo 146:4

Kun sinda magadan, mabalik sinda sa alpog; sa aldaw na iyan, an gabos nindang plano matatapos.

Mga Talinhaga 20:24

Itinalaan nin Kagurangnan an mga lakad kan tawo kaya paano masasabotan nin siisay man an dalan na saiyang linalakawan?

Isaias 13:11

Nagsasabi an Kagurangnan, “Papadusahan ko an kinaban asin an gabos na maraot huli kan saindang mga kasalan. Ibababa ko an gabos na mapaabaw-abaw asin papadusahan ko an gabos na mapalangkaw saka makuri.

Isaias 14:13

Boot mo kaidtong maabot an langit asin ikabugtak an saimong trono sa itaas kan pinakahalangkaw na mga bitoon. Naghohona kang magtutukaw ka siring sa sarong hade sa ibabaw kan bukid sa amihan saen nagtitiripon an mga dios.

Isaias 2:12

Huli ta an Kagurangnan nin mga hukbo igwa nin aldaw na inandam laban sa gabos na mapaabaw-abaw saka mapalangkaw, laban sa gabos na ilinangkaw asin itinaas;

Isaias 33:10

Tinataraman nin Kagurangnan an mga nasyon, “Mahiro na ako. Ipapahiling ko na kun gurano ako kapangyari.

Isaias 37:19

Sinurulo ninda an mga dios kan mga nasyon na iyan na bako man talagang mga dios, kundi mga kahoy saka gapo na ginibo nin tawo.

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Jeremias 10:23

Kagurangnan, naaraman ko na an tawo bakong kagurangnan kan sadiri niyang aabotan; bakong kapot nin tawo an sadiri niyang buhay.

Jeremias 48:26

Nagtaram an Kagurangnan, “Burata an Moab huli ta nagrebelde siya tumang sako. Magliligid siya sa sadiri niyang suka, asin pagngingisihan siya kan mga tawo.

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Ezekiel 28:17

Nagpaabaw-abaw ka huli kan saimong pagkagwapo, asin an kabantogan mo iyo an nagdagka saimo na mamuhay na garo lolong. Huli kaini, itinapok taka sa daga dangan binayaan bilang sarong patanid para sa ibang mga hade.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:5

Huli kan dakula mong kadonongan sa negosyo, nadagdagan an saimong kayamanan, asin nagin mapaabaw-abaw ka huli kaiyan.

Ezekiel 31:10

“Kaya ako, an Kagurangnan Dios, an nagtataram saimo kun ano an mangyayari sa kahoy na iyan na naghalangkaw sagkod na an poro nakaabot sa mga panganoron. Mantang naghahalangkaw iyan, nagin mapaabaw-abaw man.

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 4:37

“Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Daniel 8:11

Maski an Prinsipe kan langitnon na hukbo dai kaiyan ginalangan. Pinaontok kaiyan an aroaldaw na atang na idinolot sa Prinsipe, asin ginaba an Templo.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Mga Gibo 17:25

Dai man siya nangangaipo nin anoman na bagay na ikakatao nin tawo sa paglingkod saiya, huli ta siya ngani an nagtatao nin buhay saka hinangos, asin nin gabos na bagay sa gabos na tawo.

1 Corinto 8:4

Kun siring, ini an masasabi ko dapit sa pagkakan na idinolot sa mga dios-dios: aram nyato na an mga dios-dios minarepresentar sa mga mayo nin buhay; aram nyato na saro sana an Dios.

1 Timoteo 3:6

Dapat haloy na siyang paratubod, ta kun bako, tibaad magin siyang mapaabaw-abaw asin mahatolan man siya arog kan Diablo.

Hebreyo 4:13

Mayong matatago sa Dios. An gabos na bagay hayag na nahihiling niya. Saiya kita gabos matao nin kwenta kan satong mga gibo.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.

Hukom 16:23

Nagtiripon an mga hade kan mga Filisteo tanganing mag-orogma asin tanganing magdolot nin dakul na tinutong na atang sa saindang dios na si Dagon. Nag-arawit sindang, “Itinao sato kan satong dios an kapangganahan laban sa satong kaiwal na si Samson!”

1 Samuel 17:26

Hinapot ni David an mga lalaking harani saiya, “Ano an gigibohon para sa tawong makakagadan kaining Filisteo asin makakahale kan kasosopgan sa Israel? Huli ta siisay man an bakong sirkomsisyonado na Filisteong iyan na matindog laban sa hukbo kan buhay na Dios?”

1 Samuel 17:36

Dakul na an sakong nagadan na leon asin oso; arog kaiyan an gigibohon ko sa bakong sirkomsisyonado na Filisteong iyan na nagtindog laban sa hukbo kan buhay na Dios.