Daniel 5:19 - Marahay na Bareta Biblia

¹⁹ Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Daniel 5:19 ပူးပေါင်းရင်းမြစ်များ

2 Mga Hade 25:28

Pinahilingan niya nin karahayan si Jehoiakin saka tinawan nin mas halangkaw na katongdan ki sa katongdan kan mga hadeng kaiba niya na itinapok man sa Babilon.

Mga Talinhaga 16:14

Hinihingowa kan madonong na mapaogma an hade huli ta kun maanggot an hade, igwa nin tawong magagadan.

Parahulit 8:3

An hade makakagibo kan anoman na boot niya, kaya humale ka sa saiyang atubang; dai ka mag-ontok sa siring kapeligrosong lugar.

Ezekiel 31:11

Kaya isinikwal ko iyan asin itatao sa kamot nin sarong dayuhan na pamayo, na iyo an matao sa kahoy na iyan kan maninigo sa saiyang karatan.

Daniel 11:12

Ipaghahambog niya an saiyang kapangganahan asin an kadakul na soldados na saiyang ginadan, alagad dai magdadanay an saiyang kapangganahan.

Daniel 11:16

Gigibohon kan nagsalakay na hade nin Siria an anoman na boot niya asin mayo nin masalungat saiya. Matindog siya sa Dagang Panuga asin an gabos na iyan mapapasairarom sa saiyang kapangyarihan.

Daniel 11:3

“Dangan matunga an sarong makosog na hade. Paghahadean niya an sarong dakulang imperyo asin gigibohon niya an anoman na saiyang mawoton.

Daniel 11:36

“Gigibohon kan hade nin Siria an anoman na mawoton niya; ipaghahambog niyang mas dakula siya ki sa arin man na dios, orog pa ki sa Kahorahalangkaweng Dios. Magigibo niya iyan sagkod na mag-abot an panahon kan pagpadusa saiya nin Dios; huli ta kun ano an nasa plano nin Dios iyo an mangyayari.

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 3:4

sarong parabareta an nagpahayag sa makosog na tingog, “Mga banwaan kan gabos na nasyon, rasa, asin mga lengwahe!

Daniel 3:6

An siisay man na dai maggibo kaini, itatapok tolos sa nagkakalayong horno.”

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:22

Mahal na Hade, ika an kahoy, halangkaw asin pusog. Duminakula ka nin marahay kaya nakakaabot sa langit, asin sakop kan saimong kapangyarihan an bilog na kinaban.

Habakkuk 2:5

Madaya an kayamanan. Mapalangkaw an mga tawong paslo saka dai napapamugtak—siring sa kagadanan na dai nababasog. Iyan an dahelan kun tano ta sinasakop ninda an mga nasyon.

Juan 19:11

Nagsimbag si Jesus, “Mayo ka kutana nin kapangyarihan sako kun dai iyan itinao saimo nin Dios. Kaya mas dakula an kasalan kan nagdara sako saimo.”

Roma 13:1

Dapat magpasakop an siisay man sa mga namamayo kan gobyerno, huli ta mayong awtoridad na bakong tugot nin Dios. An mga awtoridad sa ngunyan na panahon ibinugtak nin Dios.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.