Daniel 5:18 - Marahay na Bareta Biblia

¹⁸ “An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Daniel 5:18 ပူးပေါင်းရင်းမြစ်များ

2 Mga Hade 25:28

Pinahilingan niya nin karahayan si Jehoiakin saka tinawan nin mas halangkaw na katongdan ki sa katongdan kan mga hadeng kaiba niya na itinapok man sa Babilon.

Salmo 47:2

Huli ta an Kagurangnan, an Kahorohalangkawe, kinatatakotan, dakulang hade sa bilog na kinaban.

Salmo 7:17

Magpapasalamat ako sa Kagurangnan huli kan saiyang katanosan; mag-aawit ako nin kaomawan sa ngaran nin Kahorohalangkaweng Kagurangnan.

Salmo 9:2

Huli saimo, mag-aawit ako sa kaogmahan. Mag-aawit ako nin pag-omaw saimo, O Dios na Makakamhan.

Salmo 92:8

huli ta ika, Kagurangnan, an pinakahalangkaw sagkod lamang.

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Mga Panambitan 3:35

kun isinasayuma an itinao niya satong mga deretso, iyan saiyang naaaraman;

Mga Panambitan 3:38

Nangyayari an marahay asin an maraot huli sana sa saiyang pagboot.

Ezekiel 31:11

Kaya isinikwal ko iyan asin itatao sa kamot nin sarong dayuhan na pamayo, na iyo an matao sa kahoy na iyan kan maninigo sa saiyang karatan.

Daniel 4:17

Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:2

Pinagmarahay kong ipaaram an mga tanda saka ngangalasan na ipinahiling sako kan Kahorohalangkaweng Dios.

Daniel 4:32

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mga Gibo 26:13

Alagad duman sa dalan, O Hadeng Agripa, odto kaidto, nakahiling ako nin liwanag hale sa langit na mas maliwanag pa ki sa aldaw. Makasusula an liwanag sa palibot mi.

Mga Gibo 26:19

“Kaya, O Hadeng Agripa, dai ako nagsuhay sa langitnon na bisyon na sakong nahiling.

Mga Gibo 7:48

“Alagad an Kahorohalangkaweng Dios dai nag-eerok sa harong na gibo nin tawo, siring sa sinabi kan propeta,

Deuteronomio 32:8

An Kahorohalangkawe an nagtao sa mga nasyon kan saindang daga. Kan siriblagon niya an mga banwaan, asin bugtakan nin kasagkoran an mga daga, linaen na niya an mga aki ni Israel.