Daniel 5:17 - Marahay na Bareta Biblia

¹⁷ Nagsimbag si Daniel, “Dai mo na ako pagtawan nin mga regalo. Itao mo na sana iyan sa iba. Alagad babasahon ko para saimo an isinurat asin sasabihon ko saimo an kahulogan kaiyan.

Daniel 5:17 ပူးပေါင်းရင်းမြစ်များ

Genesis 14:23

na dai ako makua nin ano man na sadiri mo, minsan torsido o sintas kan sandalyas, tanganing dai mo masabing, ‘Ako an nagpayaman ki Abram!’

2 Mga Hade 3:13

Nagsabi si Eliseo sa hade nin Israel, “Ano an pakilabot ko saimo? Dumuman ka sa mga propeta kan saimong ama asin sa mga propeta kan saimong ina.” Nagsimbag si Joram, “Dai, an Kagurangnan an nag-apod samong tolo tanganing itao sa kamot kan hade nin Moab.”

2 Mga Hade 5:16

Nagsimbag si Eliseo, “Huli sa ngaran kan buhay na Kagurangnan na sakong pinaglilingkodan, ako minasumpa na dai ako maako nin regalo.” Pinirit si Eliseo ni Naaman alagad nagsayuma siya.

2 Mga Hade 5:26

Alagad nagsabi si Eliseo, “Bakong idtoon ako sa espiritu kan maghilig sa saiyang karwahe an lalaki sa pagsabat saimo? Bako ini an panahon tanganing mag-ako nin kwarta asin mga gubing, nin kaolibahan saka mga ubasan, nin mga karnero saka mga baka, o mga sorogoon!

Salmo 119:46

Ibabareta ko man sa mga hade an saimong mga kabotan, asin dai ako mamumugtak sa kasopogan;

Daniel 2:6

Alagad kun masabi nindo an sakong pangatorogan dangan an kahulogan kaiyan, tatawan ko kamo nin mga regalo asin dakulang onra. Ngunyan, sabihan nindo sako kun ano an sakong pangatorogan asin an kahulogan kaiyan.”

Daniel 5:29

Dangan pinagbotan ni Belsazzar, an saiyang mga sorogoon na gubingan si Daniel nin purpura, asin sulotan nin bulawan na kulintas. Pakatapos, ginibo niya ining ikatolo sa kapangyarihan sa kahadean.

Mga Gibo 8:20

Alagad sinimbag siya ni Pedro, “Matunaw ka man logod kaiba kan kwarta mo, huli ta naghohona ka na mababakal mo an regalo nin Dios!