Daniel 5:12 - Marahay na Bareta Biblia

¹² Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”

Daniel 5:12 ပူးပေါင်းရင်းမြစ်များ

Salmo 16:3

Gurano karahay an mga maimbod sa Kagurangnan! Dakula kong kaogmahan na sinda makaibahan.

Mga Talinhaga 12:26

An matanos na tawo iyo an giya kan saiyang katood, alagad an dalan kan maraot minapasiring sa pagkalagalag.

Mga Talinhaga 17:27

Bakong matinaram an tawong may pakaaram. An tawong haloy maanggot igwa nin pakasabot.

Ezekiel 28:3

Naghohona ka na mas madonong ka ki Daniel, asin mayo nin anoman na sekretong pwedeng tagoon saimo.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 2:26

Sinabihan kan hade si Daniel (na inaapod man Beltesazzar), “Masasabi mo daw sako kun ano an sakong pangatorogan asin kun ano an kahulogan kaiyan?”

Daniel 4:19

Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:8

Dangan inatubang man sako si Daniel. (Inaapod man siyang Beltesazzar, na isinunod sa ngaran kan sakong dios.) Yaon saiya an espiritu kan banal na mga dios, kaya sinabi ko saiya an sakong pangatorogan. Sinabihan ko siya:

Daniel 5:14

Nadangog kong nasa saimo an espiritu kan banal na mga dios, sa saimo makukua an liwanag, pakasabot saka an nalalaen na kadonongan.

Daniel 5:16

Alagad nadangog kong nakakatao ka nin mga paliwanag asin nakakapahayag nin mga misteryo. Kun mabasa mo ining nasusurat dangan masabi mo sako an kahulogan kaiyan, gugubingan ka nin purpura, magsusulot nin bulawan na kulintas, asin magigin ikatolo ka sa kapangyarihan sa kahadean.”

Daniel 6:3

Dai nahaloy, ipinahiling ni Daniel na mas kaya niya an trabaho ki sa ibang parapamahala o sa mga gobernador. Huli ta napalaen siya sa gabos, inisip kan hade na ibugtak siyang parapamahala kan bilog na imperyo.

Daniel 6:4

Huli kaini pinagparahingowa kan ibang mga parapamahala saka kan mga gobernador na makakua nin ikakasumbong laban ki Daniel dapit sa saiyang pagpalakaw kan imperyo, alagad mayo sindang nakukua, huli ta maimbod si Daniel asin dai naggigibo nin sala o nandadaya.

Colosas 1:29

Huli kaini nagtatrabaho ako nin maigot sa tabang kan kapangyarihan ni Cristo.