Daniel 5:1 - Marahay na Bareta Biblia

¹ Sarong banggi, inalok ni Hadeng Belsazzar an sangribong kalalakihan sa sarong dakulang bangkete, asin nag-irinoman sinda.

Daniel 5:1 ပူးပေါင်းရင်းမြစ်များ

Genesis 40:20

Pakalihis nin tolong aldaw, sa kumpleanyo kan hade, nagtao siya nin bangkete sa gabos niyang opisyal; pinaluwas niya sa bilanggoan an saiyang kopero asin an saiyang panadero dangan pinaatubang sinda sa saiyang mga opisyal.

Esther 1:3

Kan ikatolong taon nin saiyang paghahade, nagbangkete siya para sa gabos niyang opisyal saka mga administrador, para sa mga hukbo nin Persia saka Media, asin para sa mga gobernador saka mga ginagalangan na tawo kan mga probinsya.

Isaias 22:12

Inapod kamo kaidto kan Kagurangnan Dios nin mga hukbo tanganing maghibi saka magmondo, mag-aris kan saindong payo saka magsulot nin sako.

Isaias 22:14

An Kagurangnan Dios nin mga hukbo mismo an nagtaram sako asin nagsabi, “Dai ko nanggad papatawadon an karatan nindang ini sagkod na sinda nabubuhay. Ako, an Kagurangnan Dios nin mga hukbo, an nagtaram.”

Jeremias 50:35

Nagsasabi an Kagurangnan, “Kagadanan para sa Babilonia! Kagadanan para sa namamanwaan niya, sa saiyang mga pamayo, asin sa saiyang madonong na mga lalaki.

Jeremias 51:39

Mga unason daw sinda? Ipag-aandam ko sinda nin sarong bangkete, saka buburaton ko sinda asin papaogmahon. Makatorog sinda asin dai na nanggad magigimata.

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Daniel 5:30

Kan banggi man sanang idto ginadan si Belsazzar, an hade nin Babilonia;

Nahum 1:10

Arog sa nagkagurumos na mga tonok asin alang na dagami matututong kamo!