Daniel 4:8 - Marahay na Bareta Biblia

⁸ Dangan inatubang man sako si Daniel. (Inaapod man siyang Beltesazzar, na isinunod sa ngaran kan sakong dios.) Yaon saiya an espiritu kan banal na mga dios, kaya sinabi ko saiya an sakong pangatorogan. Sinabihan ko siya:

Daniel 4:8 ပူးပေါင်းရင်းမြစ်များ

Genesis 41:38

kaya sinabihan niya sinda, “Makakakua pa daw kita nin arog ki Jose, na igwa kan espiritu nin Dios?”

Isaias 46:1

“Iyo ini an kataposan kan mga dios-dios nin Babilon! Sinamba kaidto si Bel saka si Nebo, alagad ngunyan isinasakay na sinda sa mga asno, sarong kagabatan sa likod kan pagal na mga hayop.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Jeremias 50:2

“Ipahayag mo an bareta sa mga nasyon! Ipaisi mo! Pumatindog ka nin bandera asin ibalangibog mo an bareta! Dai mo iyan pagtagoon! Nagbagsak na an Babilon! Ronot na an saiyang dios-dios na si Marduk! Pinasopog an mga dios-dios nin Babilon; nagkaparasa an makauuyam niyang mga ladawan!

Ezekiel 17:23

sa pinakahalangkaw na bukid nin Israel. Magkakaigwa iyan nin mga sanga asin mga bunga, dangan magigin sarong magayon na kahoy na sedro. Manlaen-laen na klase nin gamgam an mag-eerok diyan, asin magpapaili sa limpoy kaiyan.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 2:11

An hinahagad kan Mahal na Hade sarong bagay na masakit, asin mayo nin siisay man na makakagibo kaiyan para saimo pwera an mga dios, asin dai sinda nag-eerok sa kaibahan nin mga tawo.”

Daniel 2:26

Sinabihan kan hade si Daniel (na inaapod man Beltesazzar), “Masasabi mo daw sako kun ano an sakong pangatorogan asin kun ano an kahulogan kaiyan?”

Daniel 3:14

Sinabihan niya sinda, “Sadrak, Mesak, asin Abednego, totoo daw an sumbong na habo kamong magsamba sa sakong dios asin dai kamo minaduko kan saindong payo sa atubang kan estatwang bulawan na pinatindog ko?

Daniel 4:18

“Iyo iyan an nagin pangatorogan ko,” an sabi ni Hadeng Nebukadnezzar. “Ngunyan, Beltesazzar, sabihan sako an kahulogan kaiyan. Mayong saro man sa sakong mga parahatol na nakapagsabi sako, alagad masasabi mo iyan, huli ta yaon saimo an espiritu kan banal na mga dios.”

Daniel 4:9

Beltesazzar, pamayo kan mga parahula, naaaraman kong yaon saimo an espiritu kan banal na mga dios, asin nasasabotan mo an gabos na misteryo. Iyo ini an sakong pangatorogan. Sabihan sako an kahulogan kaiyan.

Daniel 5:14

Nadangog kong nasa saimo an espiritu kan banal na mga dios, sa saimo makukua an liwanag, pakasabot saka an nalalaen na kadonongan.