Daniel 4:37 - Marahay na Bareta Biblia

³⁷ “Ngunyan, ako, si Nebukadnezzar, nag-oomaw, naggagalang, asin nagpapamuraway sa Hade nin Langit. Tama saka matanos an gabos niyang ginigibo, asin pwede niyang ibaba an siisay man na nagpapalangkaw.”

Daniel 4:37 ပူးပေါင်းရင်းမြစ်များ

2 Mga Cronica 33:19

Nasusurat sa An Kasaysayan kan mga Propeta an saiyang pamibi, kun paano siya sinimbag nin Dios, an gabos niyang kasalan, an paganong mga lugar na pagsasambahan na ipinatugdok niya, an mga imahen kan diosang si Asera saka an mga dios-dios na saiyang sinamba asin an gabos niyang ginibong karatan bago siya nagpakumbaba saka nagbakle.

Esther 6:10

Dangan sinabihan kan hade si Haman, “Magmadali ka, kuahon mo an gubing saka an kabayo asin giboha an mga pag-omaw na sinabi mo para sa Judiong si Mardokeo, na nagtutukaw sa may trangkahan kan palasyo. Hare paglingawe an ano man kan sinabi mo.”

Salmo 119:75

Aram kong matanos an saimong mga hatol, Kagurangnan, asin sa kaimbodan ako saimong pinadusahan.

Salmo 99:4

Mapangyaring hade, namomoot ka sa hustisya; pinapangyari mo an katanosan sa Israel; nagdara ka nin hustisya asin katanosan.

Exodo 18:11

Ngunyan aram ko na nanggad na siya orog ki sa ibang mga dios, huli ta ilinigtas niya an mga Israelita sa pang-aapi sainda kan mga Egipcio.”

Exodo 8:4

Luluksohan ninda kamo, ika, an saimong mga opisyal asin an mga Egipcio.’”

Isaias 23:9

An Kagurangnan nin mga hukbo iyo an nagplano kaiyan. Siya an nagplano kaiyan tanganing ontokon an saindang kapaabaw-abawan sa saindang ginibo asin tanganing sopogon an saindang ginagalangan na mga lalaki.

Isaias 5:16

Alagad ipinapahiling kan Kagurangnan nin mga hukbo an saiyang kadakulaan huli sa paggibo nin tama, asin ipinapahayag niya an saiyang kabanalan huli sa paghukom kan saiyang banwaan.

Jeremias 50:29

“Taraman nindo an mga parapana na salakayon an Babilon. Padumanon an lambang saro na tataong maggamit nin pana saka bosog. Palibotan nindo an syudad; dai nindo pagpabayaan na may makadulag. Baloson nindo siya sosog sa saiyang ginibo; gibohon saiya an ginibo niya sa iba; huli ta mapaabaw-abaw niyang tinumangan ako, an Banal nin Israel.

Ezekiel 16:56

Bakong ginibo mong ngingisihan an Sodoma kan panahon nin saimong kapaabaw-abawan,

Ezekiel 16:63

Papatawadon ko an mga karatan na naginibo mo, alagad magigiromdoman mo an mga iyan asin masosopog ka maski sa pagbuka kan saimong ngoso.” An Kagurangnan Dios an nagtaram.

Daniel 4:26

Nagboot an mga anghel na pabayaan an pungo sa daga. Nangangahulogan ini na magigin hade ka giraray sa panahon na akoon mo na an Dios an naghahade sa bilog na daga.

Daniel 4:3

“Dakula nin marahay an mga ngangalasan na ipinahiling niya sato! Mapangyari nanggad an mga milagro na saiyang ginigibo. Sarong daing tapos na kahadean an saiyang kahadean; maghahade siya sagkod pa man.

Daniel 4:34

“Pakalihis nin pitong taon,” an sabi kan hade, “nagtingkalag ako sa langit, asin nagbalik sako an sakong kaisipan. Inomaw ko an Kahorohalangkaweng Dios asin nagtao ako nin paggalang saka kamurawayan sa saiya, na nabubuhay sagkod lamang. “Maghahade siya sagkod lamang, asin magdadanay an saiyang kahadean sa gabos na panahon.

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Mateo 11:25

Kan oras na idto, nagtaram si Jesus, “O Ama, Kagurangnan nin langit asin daga! Nagpapasalamat ako saimo ta ipinahayag mo sa mga mangmang an mga bagay na tinago mo sa mga madonong asin sa mga may inadalan.

Mga Gibo 17:24

An Dios na naglalang kan kinaban asin kan gabos na yaon diyan, iyo an Kagurangnan kan langit saka kan daga. Dai siya nag-eerok sa mga templo na gibo nin tawo.

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.

Kapahayagan 15:3

Inaawit ninda an awit ni Moises na sorogoon nin Dios, asin an awit kan Kordero: “Dakula asin makangangalas an saimong mga gibo, O Kagurangnan, Dios na Makakamhan! Matanos asin totoo an saimong mga dalan, O Hade nin mga nasyon!

Kapahayagan 16:7

Dangan nadangog kong nagsabi an sarong tingog hale sa altar, “Kagurangnan, Dios na Makakamhan, totoo saka matanos nanggad an saimong mga paghukom!”

1 Samuel 2:3

Ontoka an saindong kapaabaw-abawan; ontoka an saindong kahambogan. Huli ta an Kagurangnan sarong Dios na nakakaaram, gabos na gibo nin tawo saiyang hinuhukoman.