Daniel 4:32 - Marahay na Bareta Biblia

³² Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka. Dangan aakoon mo na may kapangyarihan sa mga kahadean nin tawo an Kahorohalangkaweng Dios asin na itinatao niya an mga iyan sa saiyang mapili.”

Daniel 4:32 ပူးပေါင်းရင်းမြစ်များ

2 Mga Cronica 33:13

Dinangog nin Dios an saiyang pamibi asin tinugotan siyang makabalik sa Jerusalem, sa saiyang kahadean. Dangan naaraman ni Manases na an Kagurangnan iyo an Dios.

An Libro ni Job 42:2

“Aram ko na magigibo mo an gabos; na dai pwedeng salungaton an gabos mong katuyohan.

An Libro ni Job 9:12

Kinukua niya an saiyang mawoton, asin mayo nin nakakapugol saiya; mayo nin nangangahas na maghapot saiya, ‘Ano an saimong ginigibo?’

Salmo 115:3

An samong Dios yaon sa kalangitan, ginigibo niya an anoman na saiyang magustohan.

Salmo 135:6

Ginigibo niya an anoman na saiyang nawiwilihan, sa langit asin sa daga, sa kadagatan asin sa gabos na kairaroman.

Exodo 8:10

Nagsimbag an hade, “Ipamibi mo ako sa aga.” Nagsabi si Moises, “Gigibohon ko an hinahagad mo tanganing maaraman mo na mayo nin ibang dios na arog sa Kagurangnan, na samong Dios.

Exodo 9:14

Ngunyan, bako sana an saimong mga opisyal saka mga nasasakopan an papadusahan ko, kundi sagkod ika, tanganing maaraman mo na mayo nin makakaarog sa sako sa bilog na kinaban.

Exodo 9:29

Nagsabi si Moises, “Pakaluwas ko sa syudad, iitaas ko an sakong kamot sa pagpamibi sa Kagurangnan. Maontok an pagdaguldol asin an pag-uran nin yelo, tanganing maaraman mong an Kagurangnan iyo an kagsadiri kan kinaban.

Isaias 37:20

Kaya ngunyan, O Kagurangnan na samong Dios, ligtasan kami sa emperador nin Asiria, tanganing maaraman kan gabos na kahadean sa kinaban na ika nanggad sana an Kagurangnan.”

Isaias 40:15

Sa Kagurangnan, an mga nasyon mayo nin halaga, arog sana sa sarong tagdo nin tubig; an mga isla siring sa alpog kagian.

Isaias 40:17

An gabos na nasyon mayo nin halaga sa saiyang atubang.

Isaias 45:3

An mga kayamanan hale sa madiklom saka tagong mga lugar itatao ko saimo, dangan maaaraman mo na ako an Kagurangnan, asin na inapod ka sa saimong ngaran kan Dios nin Israel.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:31

Mantang nagtataram pa an hade, sarong tingog hale sa langit an nagsabi, “Hadeng Nebukadnezzar, dangoga an sakong sasabihon! Hinale na sa saimo an saimong kahadean.

Daniel 5:21

Pinahale siya sa tahaw nin mga tawo, asin nagin siring sa hayop an saiyang kaisipan. Namuhay siya kaiba kan mga lalaw na asno, nagkakan nin doot siring sa baka, asin nagkatorog sa kaomahan na mayo nin nakakatahob saiya sa paghugpa kan ambon. Sa kahuri-hurihi, inako niya na an Kahorohalangkaweng Dios iyo an naghahade sa gabos na kahadean nin tawo asin na pwedeng itao an mga iyan sa kiisay man na saiyang mapili.

Josue 4:24

Huli kaini maaaraman kan lambang saro sa kinaban kun gurano kadakula an kapangyarihan nin Kagurangnan, asin oomawon nindo an Kagurangnan na saindong Dios sagkod lamang.”