Daniel 4:19 - Marahay na Bareta Biblia

¹⁹ Dangan si Daniel, na inaapod man Beltesazzar, natikbahan nin marahay kaya dai siya nakapagtaram. Nagsabi an hade saiya, “Beltesazzar, dai mo ipaghandal an pangatorogan o an kahulogan kaiyan.” Nagsimbag si Beltesazzar, “Mahal na Hade, mawot kong an pangatorogan saka an kahulogan kaiyan ipinanongod sa saimong mga kaiwal asin bakong sa saimo.

Daniel 4:19 ပူးပေါင်းရင်းမြစ်များ

Genesis 31:35

Olay ni Rachel sa saiyang ama, “Kagurangnan, dai ka logod maanggot sako. Dai ako pwedeng magtindog sa saimong atubang huli ta nareregla ako.” Nagpadagos sa paghanap si Laban alagad dai niya nakua an saiyang mga dios-dios.

Genesis 32:18

simbagon mo siya nin, ‘Sadiri ini kan saimong oripon na si Jacob. Ipinapadara niya an mga ini bilang regalo sa kagurangnan niyang si Esau. Kasunod mi na si Jacob.’”

Genesis 40:12

Nagsabi si Jose, “Ini an kahulogan kan pangatorogan mo: an tolong sanga, tolong aldaw.

1 Mga Hade 18:7

Mantang naglalakaw si Obadias, sinabat siya ni Elias. Namidbid siya ni Obadias, nagdapa, dangan naghapot, “Ika mananggad an kagurangnan kong si Elias?”

Exodo 32:32

Nakikimaherak ako na patawadon mo sinda kan saindang mga kasalan; alagad kun dai mo sinda mapapatawad, paraon mo na man an sakong ngaran sa libro na sinuratan mo kan mga ngaran kan saimong banwaan.”

Jeremias 29:7

Magtrabaho kamo para sa karahayan kan mga syudad na pinadumanan ko saindo bilang mga bihag. Mamibi kamo sako para sainda, huli ta kun mag-uswag sinda, magigin mauswag man kamo.

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Daniel 1:7

An mga ini tinawan nin bagong ngaran kan pangenot na opisyal: si Daniel inapod Beltesazzar; si Hananias, Sadrak; si Misael, Mesak; asin si Azarias, Abednego.

Daniel 2:26

Sinabihan kan hade si Daniel (na inaapod man Beltesazzar), “Masasabi mo daw sako kun ano an sakong pangatorogan asin kun ano an kahulogan kaiyan?”

Daniel 2:37

Mahal na Hade, ika an pinakadakula sa gabos na hade. An Dios nin langit an naggibo saimong magin emperador, asin tinawan ka niya nin kapangyarihan, kosog saka dangog.

Daniel 4:24

“Iyo ini an kahulogan, Mahal na Hade, asin iyo ini an ipinapahayag kan Kahorohalangkaweng Dios na mangyayari saimo.

Daniel 5:12

Igwa siya nin nalalaen na kakayahan, pakaaram asin pakasabot sa pagpahayag nin mga pangatorogan, sa pagsimbag nin mga paukod, dangan sa pagpaliwanag nin mga misteryo; kaya ipakua mo an lalaking si Daniel na nginaranan Beltesazzar kan hade, asin sasabihon niya saimo an kahulogan kan gabos na ini.”

Daniel 5:18

“An saimong ama na si Nebukadnezzar ginibong dakulang hade asin tinawan nin kamurawayan saka kamahalan kan Kahorohalangkaweng Dios.

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.

Daniel 7:15

Natikbahan ako sa mga bisyon na sakong nahiling, asin napurisaw ako nin marahay.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Habakkuk 3:10

Kan mahiling ka kan kabukidan, tinakigan sinda; nagbulos an tubig hale sa kalangitan. Naghagubohob an katubigan sa irarom kan daga, asin nag-orolanto an saindang mga alon.

1 Samuel 1:15

Alagad nagsimbag si Hanna, “Bako man akong burat. Mamondo sana ako nin marahay asin ipinapahayag ko an sakong problema sa Kagurangnan.

1 Samuel 24:8

Sinunod siya ni David dangan inapod, “Mahal na Hade!” Nagsalingoy si Saul; nagdapa sa daga si David sa pagtaong galang.

1 Samuel 26:15

Nagsimbag si David, “Abner, bakong ika an pinakabantog na lalaki sa bilog na Israel? Tano ta dai mo binantayan an saimong kagurangnan, an hade? Dai pa nahahaloy, igwang naglaog sa kampo tanganing gadanon an saimong kagurangnan.

1 Samuel 3:17

“Ano an itinaram saimo nin Kagurangnan?” an hapot ni Eli. “Dai mo pagtagoon an ano man sako. Makuri an magigin padusa saimo nin Dios kun dai mo sako sabihon an gabos na itinaram niya saimo.”