Daniel 4:18 - Marahay na Bareta Biblia

¹⁸ “Iyo iyan an nagin pangatorogan ko,” an sabi ni Hadeng Nebukadnezzar. “Ngunyan, Beltesazzar, sabihan sako an kahulogan kaiyan. Mayong saro man sa sakong mga parahatol na nakapagsabi sako, alagad masasabi mo iyan, huli ta yaon saimo an espiritu kan banal na mga dios.”

Daniel 4:18 ပူးပေါင်းရင်းမြစ်များ

Genesis 40:12

Nagsabi si Jose, “Ini an kahulogan kan pangatorogan mo: an tolong sanga, tolong aldaw.

Genesis 41:15

Sinabihan siya kan hade, “Nangatorogan ako alagad mayo nin siisay man na nakakapaliwanag kaiyan. Igwang nakasabi sako na nakakapaliwanag ka nin mga pangatorogan.”

Genesis 41:8

Alagad pagkaaga nahadit siya nin marahay kaya ipinaapod niya an gabos na salamangkero asin mago sa Egipto. Isinaysay niya sainda an saiyang mga pangatorogan, alagad mayo nin siisay man na nakapaliwanag kaini saiya.

Isaias 19:3

Dai ko papangyarihon an mga plano kan mga Egipcio asin hahaleon ko an saindang kosog nin boot. Makikihumapot sinda sa mga ladawan, sa mga parakulam, sa mga nakikihumapot sa mga gadan asin sa mga salamangkero.

Daniel 1:20

Maski anong hapot o problema an itao kan hade, an apat na ini iyo an may sampolong beses na naaaraman ki sa arin man na parahula o salamangkero sa bilog niyang kahadean.

Daniel 2:38

Siya an naggibo saimong pamayo kan gabos na kabtang kan daga na pinag-eerokan kan mga tawo, hayop, saka gamgam. Ika an payong bulawan.

Daniel 2:7

Nagsimbag giraray sinda sa hade, “Isabi man logod samo kan Mahal na Hade an saiyang pangatorogan, asin ipapaliwanag mi iyan.”

Daniel 5:15

Dinara na digdi sako an mga parahatol saka mga salamangkero tanganing basahon ining nasusurat dangan taraman ako kun ano an kahulogan kaiyan, alagad dai ninda ikinapaliwanag.

Daniel 5:8

Nagpaenotan an mga parahatol kan hade, alagad mayo nin saro man sa sainda na nakabasa kan nasusurat o nakasabi sa hade kan kahulogan kaidto.

Amos 3:7

Mayo pang ginibo an Kagurangnan Dios na dai ngona ipinahayag sa saiyang mga sorogoon, an mga propeta.