Daniel 4:17 - Marahay na Bareta Biblia

¹⁷ Iyo ini an desisyon kan andam na nagbabantay na mga anghel. Kaya paaraman nindo sa gabos na banwaan saen man na lugar na an Kahorohalangkaweng Dios igwa nin kapangyarihan sa mga kahadean nin tawo asin siya an pwedeng magtao kan mga iyan sa saiyang mapili—maski sa mga pinakasadit na tawo.’

Daniel 4:17 ပူးပေါင်းရင်းမြစ်များ

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

Salmo 103:19

An saiyang trono ibinugtak nin Kagurangnan sa kalangitan; an gabos sakop kan saiyang kahadean.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Exodo 9:16

Alagad binuhay taka tanganing ipahiling saimo an sakong kapangyarihan, asin tanganing makalakop sa bilog na kinaban an sakuyang ngaran.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Isaias 6:8

Dangan nadangog kong naghapot an Kagurangnan, “Siisay an sakong susugoon? Siisay an satong magigin sugo?” Nagsimbag ako, “Uya ako! Ako an sugoa.”

Ezekiel 25:17

Papadusahan ko sinda nin makuri asin mabalos ako sainda. Mamamatean ninda an sakong kaanggotan. Dangan maaaraman ninda na ako an Kagurangnan.”

Ezekiel 7:24

Dadarahon ko digdi an pinakamaraot na mga nasyon tanganing sadirihon an saindang mga harong. Manluluya an boot kan saindang maiisog na mga lalaki, kun digtaan na kan mga nasyon an saindang mga lugar na pinagsasambahan.

Daniel 11:21

Nagpadagos sa pagpaliwanag an anghel: “An masunod na hade nin Siria sarong maraot na tawo na mayo nin deretso na magin hade, alagad madatong siyang mayong patanid asin kukuahon niya an kahadean sa paagi nin pandadaya.

Daniel 2:21

Siya an nagliliwat kan mga panahon; siya an nagbubugtak asin siya man an naghahale kan mga hade; siya an nagtatao nin kadonongan asin pakasabot.

Daniel 4:2

Pinagmarahay kong ipaaram an mga tanda saka ngangalasan na ipinahiling sako kan Kahorohalangkaweng Dios.

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Roma 13:1

Dapat magpasakop an siisay man sa mga namamayo kan gobyerno, huli ta mayong awtoridad na bakong tugot nin Dios. An mga awtoridad sa ngunyan na panahon ibinugtak nin Dios.

1 Corinto 1:28

Pinili nin Dios an mga tawo na pinagmamata-mata saka pinaghahamak asin mayo nin halaga, tanganing laglagon an mahalaga para sa kinaban.

1 Timoteo 5:21

Sa atubang nin Dios asin ni Cristo Jesus, patin kan mga banal na anghel, pinagbobotan taka na otobon an mga pagsusundon na ini na mayong pinapalaen o pinapaorog.

Kapahayagan 4:8

An lambang saro kaining buhay na linalang may anom na pakpak, pano nin mga mata an luwas asin an laog. Aldaw-banggi daing ontok an saindang pag-awit kaini: “Banal, banal, banal an Kagurangnan Dios na Makakamhan, na iyo kaidto, ngunyan, asin sa madatong pang panahon.”

1 Samuel 2:8

Binubuhat niya an mga dukha hale sa alpog asin an mga nangangaipo hale sa tambak nin abo. Pinapatukaw niya sinda sa kaibahan nin mga prinsipe, asin ibinubugtak sa mga lugar na iginagalang. Huli ta an mga harigi kan kinaban sadiri nin Kagurangnan; asin sa ibabaw kaiyan itinugdok niya an kinaban.