Daniel 4:16 - Marahay na Bareta Biblia

¹⁶ Sa laog nin pitong taon, an saiyang isip magigin siring sa sarong hayop, embes na sa tawo.

Daniel 4:16 ပူးပေါင်းရင်းမြစ်များ

2 Samuel 18:32

“Marahay daw an kamugtakan kan hoben na si Absalom?” an hapot kan hade. Nagsimbag an oripon, “Nagmamawot akong mangyari logod sa gabos mong kaiwal asin sa gabos na magrebelde saimo an nangyari ki Absalom.”

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Daniel 11:13

“Dangan an hade nin Siria matipon nin sarong dakulang hukbo na orog pa ki sa naenot. Pag-abot kan tamang panahon, mabalik siya kaiba an sarong dakula asin armadong hukbo.

Daniel 12:7

Initaas kan anghel an duwa niyang kamot dangan nagsumpa sa ngaran kan Daing Kataposan na Dios. Nadangog ko an saiyang sinabi, “Tolong taon may kabanga pa. Pakatapos kan pagpasakit sa banwaan nin Dios, dangan mangyayari an gabos na ini.”

Daniel 4:23

Mantang naghihiling ka, Mahal na Hade, naghilig hale sa langit an sarong anghel dangan nagsabi, ‘Paloda an kahoy asin raota nindo, alagad pabayae nindo an pungo sa daga. Gakodan nindo nin lansang saka bronse, asin pabayaan nindo iyan kaiba kan mga doot sa oma. Pabayaan nindong madumog kan ambon an tawong ini, asin paeroka nindo siya sa kaibahan kan mga hayop sa laog nin pitong taon.’

Daniel 4:25

Papahaleon ka sa tahaw nin mga tawo asin mag-eerok ka kaiba kan mga lalaw na hayop. Sa laog nin pitong taon, doot an saimong kakakanon siring sa sarong baka, asin madudumog ka kan ambon, huli ta magkakatorog ka sa kaomahan. Dangan aakoon mo na an Kahorohalangkaweng Dios iyo an naghahade sa gabos na kahadean nin tawo, asin na itinatao an mga iyan sa kiisay man na saiyang mapili.

Daniel 7:25

Mataram siya tumang sa Kahorohalangkaweng Dios asin aapihon niya an mga banal nin Dios. Babaloon niyang liwaton an saindang sinusunod na katogonan asin mga pyesta, patin mapapairarom sinda sa saiyang kapangyarihan sa laog nin tolo may kabangang taon.

Daniel 7:28

Iyo ini an kataposan kan kasaysayan. Natakot ako nin marahay kaya nanlongsi ako, asin hinilom ko sana an gabos.

Hebreyo 1:11

Matutunaw ini gabos, alagad ika magdadanay; magigin daan sinda siring sa gubing;

Kapahayagan 12:14

Alagad tinawan an babae nin duwang pakpak nin dakulang agila, tanganing makalayog siya, harayo sa dragon, pasiring sa kalangtadan, saen aatamanon siya sa laog nin tolo may kabangang taon.